嘉寶漢堡 (和益中心)

营业中

休息中

【油尖旺区】【嘉宝汉堡】成日经过尖东𠮶边，每次都想食呢间嘉宝汉堡但系每次都因为好多人所以冇食到，我今次特登晏少少去先有位。有时街坊口碑、好评呢啲嘢，就系咁样都可以睇得出，身体最诚实嘛。作为主打手工港式汉堡嘅本地汉堡店，佢哋用「慢煮」嘅方式嚟整啲汉堡扒。呢个方法可以令啲扒锁住更多肉汁，食起上嚟口感更加 juicy。我就试咗个 $54 嘅「黑松露芝士牛堡」，仲加 $6 试多份「芝士」，啲黑松露香气同浓郁芝士口感再加上牛肋条切碎而成嘅超 juicy 牛肉扒，打紧字嘅我都流晒口水，而我亦都加 $18 要埋「套餐」。套餐小食我拣「薯饼」，好好味，又香又脆。嘢饮我就拣「VLT Sparkling」，系有汽嘅维他柠檬茶，好正。我仲加 $10 要埋「炸芝士」，系一条条𠮶只，芝士味好香浓，而芝士馅仲可以拉丝，多埋视觉享受。咁样都只系 $88，我觉得喺尖东食到咁嘅嘢系抵。而呢间「嘉宝汉堡」除咗热卖嘅牛肉汉堡之外，亦有推出鸡肉、猪肉、虾肉同埋羊肉汉堡，近期更推出新口味鸭肉汉堡，有兴趣都可以嚟试吓，我都想睇吓好唔好食。而佢哋而家有三间，地址如下：尖沙咀店：尖沙咀宝勒巷9-11号葵涌店：青山公路499号嘉宝大厦