江順名滙

营业中

休息中

【油尖旺区】【江顺名汇】同事牛雄哥荣休，作为公司最后生嘅老鬼，梗系要去贺佢毕业。成六围枱都几震撼，食吓前菜吹吓水就上菜喇。首先系「顺德三太公」，即系「酥炸蚬蚧鲮鱼球」、「手打鲮鱼肉酿辣椒」同埋「手打鲮鱼肉酿莲藕片」。三款都几有特色几正，就上埋之后嘅「上汤大虾伊面」同「碧绿带子珊瑚蚌」，两者都唔错。之后饮「天麻海雀炖鱼头汤」，好似几足料，又唔会太浓。之后条鱼系「清蒸碧海沙巴龙趸」，忍唔住喺现场都同同事讲，几好食。跟住嘅「蚝皇金钱扣鹅掌」正正常常，冇乜特别但味道算唔错。之后到「彩虹芥末牛柳粒」，唔会好辣，牛柳粒又劲腍，小朋友至爱。我最期待「脆皮当红炸子鸡」，不过佢唔算整得好好，系有少少失望，坊间好多都比佢好。到淀粉质嘅时间，特色菜「笼仔排骨蒸陈村粉」几惹味，不过略嫌啲味唔平均，时咸时淡。最后嘅「莲蓉小桃包」同「鲜果拼盘」都系合理发挥，算系一个唔错嘅终结。餐饭唔知几钱，总之每人夹 $400，祝牛雄哥生活愉快啦。。。（地址：尖沙咀弥敦道63号国际广场3楼302号舖）#1amfoodie #foodie #hkfoodie #thatfoodiething #hkfood #food #in