讚記廚房

营业中

休息中

【油尖旺区】【赞记厨房】又同大家嚟到尖东揾嘢食，今次呢间茶记小厨都系喺宝勒巷。好耐之前𠮶单卡拉 OK 纵火案估唔到到而家都会有新进展，事隔 27 年，𠮶一带好多嘢都已经唔同晒。今次想讲嘅呢间餐厅，睇个样都开咗一段时间，佢哋卖紧嘅唔系咩特色嘢，都系啲港式小菜。不过我一条友去，又真系食唔到啲乜嘢。都系揾下有冇啲客饭，甚至如果有常餐就最好，最后发现系冇嘅。咁就求其揾啲嘢食啦，本身谂住叫半只鸡，但系当刻谂落又好似冇咁肚饿。见到佢哋嘅「赞记特色鸡饭套餐」有两款，一款辣，一款唔辣，要唔辣𠮶款。讲紧嘅即系 $71 嘅「赞记客家沙姜鸡套餐」，佢有赞记客家沙姜鸡加碗白饭同一兜例汤，个例汤都几热，我最后系食晒啲嘢先饮佢，咁先饮到。而啲鸡只能够讲系可以，酱汁唔算好食，整体一般。加 $3 饮「冻柠茶走甜」，正正常常。埋单 $74，冇乜感觉。。。（地址：尖沙咀宝勒巷6-8号盈丰商业大厦地下B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies