餇記冰室

营业中

休息中

【油尖旺区】【餇记冰室】我唔算好严格实践生酮饮食，但系高脂肪、适量蛋白质和低糖嘅呢种饮食习惯我都几向往。当我见到全港首创生酮茶记系列嘅推广之后就劲想试，因为本身我都好钟意食茶记，但系茶几啲嘢食往往都系粥粉面饭，好难贯彻生酮饮食，就睇下佢哋可以点玩。去到先知呢间餇记冰室系同「酮福堂」合作，仲新推出「生酮沙嗲牛肉蛋白面套餐」，我同旁证哥都试佢哋呢个餐。佢试 $68 嘅「首创生酮沙嗲牛肉蛋白汤面」，我试 $72 嘅「首创生酮生炸大鸡髀蛋白汤面」，都系配「火腿奄列」，食落几正，蛋白面劲特别。嘢饮方面佢加 $10 试「生酮厚椰拿铁」，我就都系加 $10 试埋「生酮厚椰红茶」，都好好饮，有埋椰香好过瘾。叫多碟 $39 嘅「香炸鸡翼薯条」开心吓，呢个就贯彻传统茶记特色，几好。埋单 $199，下次可以试埋煲仔饭、西多士、生酮奶茶等等，我觉得可以。。。（地址：油麻地广东道867-885号祥发大厦地下1号舖）@fnhketodiet_#1amfoodie #foodie #hkfoodie #thatfoodiething #hkfood #food #instafood #yummy #foodlove