福星海南雞

营业中

休息中

【深水埗区】【福星海南鸡】因为有好朋友喺附近住，所以深水埗至长沙湾近元州街一带，都算系我嘅生活圈之一。然后经过呢头附近嘅时候，间唔时都会听到有间嘢无啦啦对住条街讲一句「海南鸡」。对于我呢啲八卦精嚟讲真系冇抵抗力，就揾日同朋友入去试吓佢，睇吓佢咩料子先。朋友试「一人福星套餐」，拣咗 $78 嘅「海南鸡拼猪仔髀饭」，仲加 $10 指定要「鸡髀」配油饭。我都有食，都觉得唔错，啲鸡好滑好 juicy。个餐仲有「绿油灼青菜」，系灼菜心嚟。喺个餐度加 $22 试埋「泰式炸虾饼」，都炸得几香脆几正，系値得试嘅。饮品方面朋友加咗 $6 试杯「冻柠茶」少冰，正常茶记质素，唔错。而我自己就叫午餐推介，试个 $66 嘅「农家走地鸡油面」，系真系走地鸡嚟，一食就食得出。我就加 $8 试佢哋嘅「热姜母茶」，都可以。夹埋餐饭食咗 $190，都系一个唔错嘅体验。。。（地址：长沙湾元州街231-247号润发大厦地下B1号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #deliciou