影片
更多
2024-08-17
3144 浏览
【深水埗区】【Loop Kulture】一个惬意而唔使返工嘅星期五，我拖住轻快嘅步伐行咗去枫树街游乐场𠮶边，见到喺云云车房之中居然伫立咗啲文青 cafe 喺里面。试吓呢间装修好似走工业风嘅，入到去就见到原来仲有露营主题，我就叫完嘢食之后，上咗楼上坐露营櫈，感受露营气氛。上菜，先试 $98 嘅「三文鱼籽牛油果配法式千层薯」，有三文鱼籽配牛油果、无花果、蓝莓、飞达芝士放上香炸自家制千层薯塔度，可以话系极度邪恶，食正晒我中意嘅味道，每一啖都咁好食。最疯狂嘅系佢本身都已经几好食，加埋三文鱼籽上去之后劲正。之后试主食 $138 嘅「冬荫功虾长通粉」，冬荫功酱配以虾、车厘茄、香茅、罗勒、青柠檬嘅长通粉，香辣惹味。甜品我就试 $68 嘅「炸士多啤梨香蕉春卷配野莓乳酪意式雪糕」，炸士多啤梨春卷同炸香蕉春卷都好特别，加上野莓乳酪意式雪糕，件事好夹。咁嚟到一间 cafe，点可以唔饮嘢呢，而我亦都唔可能唔讲佢哋嘅嘢饮。因为店员推荐我试 $60 呢杯「Cucumble Bomb」，本身已经有淡淡青瓜味嘅梳打，加上一个 shot 嘅浓缩咖啡，饮出一个好清新嘅味道，又唔会抢咗咖啡味，相当有创意，値得嚟饮吓。。。（
上菜，先试 $98 嘅「三文鱼籽牛油果配法式千层薯」，有三文鱼籽配牛油果、无花果、蓝莓、飞达芝士放上香炸自家制千层薯塔度，可以话系极度邪恶，食正晒我中意嘅味道，每一啖都咁好食。最疯狂嘅系佢本身都已经几好食，加埋三文鱼籽上去之后劲正。
之后试主食 $138 嘅「冬荫功虾长通粉」，冬荫功酱配以虾、车厘茄、香茅、罗勒、青柠檬嘅长通粉，香辣惹味。甜品我就试 $68 嘅「炸士多啤梨香蕉春卷配野莓乳酪意式雪糕」，炸士多啤梨春卷同炸香蕉春卷都好特别，加上野莓乳酪意式雪糕，件事好夹。
咁嚟到一间 cafe，点可以唔饮嘢呢，而我亦都唔可能唔讲佢哋嘅嘢饮。因为店员推荐我试 $60 呢杯「Cucumble Bomb」，本身已经有淡淡青瓜味嘅梳打，加上一个 shot 嘅浓缩咖啡，饮出一个好清新嘅味道，又唔会抢咗咖啡味，相当有创意，値得嚟饮吓。。。
（地址： 深水埗鸭寮街90号地舖）
@loop.kulture
张贴
