越式越好味 (已結業)

今日去深水埗揾屋企人食饭，本身打算食泰国嘢，见到对面间间茶餐厅变咗间越南嘢，成八点几都差唔多满座咁，感觉唔错就入去试试。新店系越南人主理嘅，成间铺得4、5位店员忙到大家跑黎跑去。咁忙都好，佢地都好耐性答我地咁问题，而且落单之后会确认对错。因为同表妹想试啲特别啲嘢，见到𠮶越式滨海杂锦，以为系海鲜，问店员话系越南滨海煎炸物，有猪颈肉、猪扒、米粉𠮶啲。生菜做底，够大块又够新鲜；啲春卷、猪扒大细啱啱好，唔会太大嚿，包住啲萝卜同青瓜丝好爽口。每一台都有一大樽越南酸甜辣汁，啖啖纸米卷都酸酸甜甜咁咁，几好味嗌咗杯牛油果沙冰，大大杯、饮落似奶昔入口绵密即溶。见到张张枱都嗌牛油果沙冰同芒果沙冰，下次可以试埋其他饮品！店主店员都好开朗亲切，见到大家都体谅佢忙唔会特别催，一直讲多谢大家。