影片
更多
2023-05-06
1906 浏览
【湾仔区】【明记海鲜饭店】有啲餐厅我系比较少写嘅，都希望大家理解，好多时我都系自己一个人食饭，所以种类上一定系有所局限。而今次就同之前电台啲旧同事食饭，有四大一小，因此食呢啲平时比较难食到嘅打冷小菜，我都会欣然赴约嘅。首先系想讲 $98 嘅「蒜蓉豆苗」，年纪大咗之后，冇得好似以前咁一味嘲笑啲食菜嘅人系弱者，自己都要食吓。而佢呢度系炒得几正，啲豆苗索晒啲蒜蓉味，相当夹。之后 $88 嘅「豉椒炒蚬」略嫌失色，好似壳多过蚬，麻麻。个 $128 嘅「炸子鸡」半只虽然有虾片有分加，但系啲鸡都几鞋，炸得又唔太好，唔太推荐。而 $78 嘅「香煎蚝仔饼」唔系潮式蚝饼嘅整法，整到好似蛋饼咁，唔讨好。反而之后 $108 嘅「椒盐鲜鱿」就唔错，炸到外脆内嫩。追加咗个 $98 嘅「白灼东风螺」，白灼嘅东风螺加埋个酱汁，都几突显到个鲜味，一粒粒咁食系几滋味嘅。讲到食呢啲大牌档风味，又点可以缺少酒精饮品，不过大家只系浅尝，叫咗枝 $26 嘅大「生力啤酒」就算，冇特别。仲有叫嘅饮品系罐装嘅「玉泉忌廉」同「加多宝」，加埋 $16。咁都队唔饱四大一小嘅，用多 $48 叫三个白饭，咁就得喇。餐饭加埋 $688，我唔觉得好
首先系想讲 $98 嘅「蒜蓉豆苗」，年纪大咗之后，冇得好似以前咁一味嘲笑啲食菜嘅人系弱者，自己都要食吓。而佢呢度系炒得几正，啲豆苗索晒啲蒜蓉味，相当夹。之后 $88 嘅「豉椒炒蚬」略嫌失色，好似壳多过蚬，麻麻。
个 $128 嘅「炸子鸡」半只虽然有虾片有分加，但系啲鸡都几鞋，炸得又唔太好，唔太推荐。而 $78 嘅「香煎蚝仔饼」唔系潮式蚝饼嘅整法，整到好似蛋饼咁，唔讨好。反而之后 $108 嘅「椒盐鲜鱿」就唔错，炸到外脆内嫩。
追加咗个 $98 嘅「白灼东风螺」，白灼嘅东风螺加埋个酱汁，都几突显到个鲜味，一粒粒咁食系几滋味嘅。讲到食呢啲大牌档风味，又点可以缺少酒精饮品，不过大家只系浅尝，叫咗枝 $26 嘅大「生力啤酒」就算，冇特别。
仲有叫嘅饮品系罐装嘅「玉泉忌廉」同「加多宝」，加埋 $16。咁都队唔饱四大一小嘅，用多 $48 叫三个白饭，咁就得喇。餐饭加埋 $688，我唔觉得好贵，差唔多啦，喺铜锣湾出晒名嘅鹅颈街市附近𠮶堆度食嘢，算系咁。。。
（地址： 湾仔宝灵顿道27-28号地下）
#1amfoodie #foodie #hkfoodie #thatfoodiething #food #instafood #globaleats #dessert #followforfollowback #love #eat #1am湾仔区 #铜锣湾 #会展 #明记海鲜饭店 #明记 #蒜蓉豆苗 #豉椒炒蚬 #炸子鸡 #香煎蚝仔饼 #椒盐鲜鱿 #白灼东风螺 #生力啤酒 #1am0899 #1ambackup
张贴
