樂心冰室

营业中

休息中

【湾仔区】【乐心冰室】喺香港仲未收紧防疫政策到令市民无所适从嘅时候，其实个社会都有一段时间好似歌舞升平返咁。尤其系十二点前可以堂食，而且大家都开始适应咗「安心出行」之后，不过好景不长，又变返六点后禁堂食。疫情期间都有啲基建嘅新闻，就系启德体育园上面新建一个香港大球场，应该系畀 2025 年全运会做个启用大典咁。咁现有𠮶个香港大球场点算呢，就系改建成一个普通嘅运动场，平时学校陆运会都可以喺𠮶度搞𠮶啲运动场。作为一个香港体育嘅支持者，尤其系足球，我当然对呢个球场感情好深。以前睇嘉士伯赞助嘅贺岁杯，真系球星如云，竞争性又够，真系往事只能回味。知道康文署有搞大球场导赏团，只系收廿蚊行政费，梗系去参加吓。去大球场之前，梗系食少少嘢，唔谂喇，见乜食乜，咁啱见到呢间乐心冰室。之前其实都好多机会食，但一系就佢冇位，一系就我冇 mood，次次都系改咗去上面𠮶间新联威锯扒，所以今次有机会都系的起心肝入去食佢啦。叫佢个「常餐」试吓，得一款，主食系「即烧叉烧通粉」，我又唔觉得真系咁好食，比普通茶记火腿通好食少少咁啰。「火腿鲜奶炒蛋」个蛋几滑，而「多士」同杯「热奶茶」都 okay，喺呢个位咁样收我 $46 我又