影片
更多
2023-05-06
257 浏览
【湾仔区】【芽笼】听过呢间嘢好耐，首先系因为有一排有堆疑似鳝稿佬冲晒去写，marketing 𠮶啲通常都一浸浸咁去，所以就留意到。第二就系呢间嘢同新加坡嘅红灯区芽笼（Geylang）系同名，因此特别留意到佢，我谂咁都合情合理吧。睇餐牌同装修感觉好似啲连锁东南亚菜咁，不过冇纸袋连湿纸巾嘅组合令我苦无证据。主食我叫咗 $80 嘅「海南鸡饭拼喇沙」，将叻沙叫成喇沙似乎系香港独有，而佢味道就一般啦。份鸡饭就好食啲，除咗鸡翼外都冇骨嘅。虽然佢已经系一个主食，但系我一场嚟到都想食多啲嘢方便我可以写同埋影相畀大家睇。有见及此，我叫埋 $28 嘅「咖吔多士配温泉蛋」。件多士系唔差嘅，牛油劲厚，只蛋亦都 okay，只系冇提供胡椒粉感觉比较奇怪啲啫。之后我仲叫咗 $46 嘅「娘惹生鱼皮」，估唔到佢又几正，唔知用咩鱼落去整，可以整到又厚又大块又爽口，几好食。杯嘢饮方面，我要咗 $22 嘅冻「美禄哥斯拉」，可能佢落埋美禄可可球，所以叫佢哥斯拉而唔系美禄恐龙啦。张单夹埋 $176 不过一个人食如果唔系好似我咁想写多啲嘢畀人睇实情又冇必要食咁多嘅。价钱上尚算可以啦，我对新加坡菜要求高，所以一般可能已经好好。但芽笼
睇餐牌同装修感觉好似啲连锁东南亚菜咁，不过冇纸袋连湿纸巾嘅组合令我苦无证据。主食我叫咗 $80 嘅「海南鸡饭拼喇沙」，将叻沙叫成喇沙似乎系香港独有，而佢味道就一般啦。份鸡饭就好食啲，除咗鸡翼外都冇骨嘅。
虽然佢已经系一个主食，但系我一场嚟到都想食多啲嘢方便我可以写同埋影相畀大家睇。有见及此，我叫埋 $28 嘅「咖吔多士配温泉蛋」。件多士系唔差嘅，牛油劲厚，只蛋亦都 okay，只系冇提供胡椒粉感觉比较奇怪啲啫。
之后我仲叫咗 $46 嘅「娘惹生鱼皮」，估唔到佢又几正，唔知用咩鱼落去整，可以整到又厚又大块又爽口，几好食。杯嘢饮方面，我要咗 $22 嘅冻「美禄哥斯拉」，可能佢落埋美禄可可球，所以叫佢哥斯拉而唔系美禄恐龙啦。
张单夹埋 $176 不过一个人食如果唔系好似我咁想写多啲嘢畀人睇实情又冇必要食咁多嘅。价钱上尚算可以啦，我对新加坡菜要求高，所以一般可能已经好好。但芽笼𠮶边明明系流行田鸡粥，叫得芽笼又冇得叫系有少少失望。。。
（地址： 湾仔湾仔道221A号天乐大厦地舖）
#1amfoodie #foodie #hkfoodie #thatfoodiething #food #instafood #globaleats #dessert #followforfollowback #love #eat #1am湾仔区 #湾仔 #芽笼 #海南鸡饭拼喇沙 #海南鸡饭 #叻沙 #咖吔多士配温泉蛋 #娘惹生鱼皮 #冻美禄哥斯拉 #1am0918 #1ambackup
张贴
