影片
更多
2024-11-17
151 浏览
今日去咗湾仔位于QRE Plaza一间叫「The Oyster House 」嘅餐厅食晚餐，餐厅嘅灯光昏暗，一踏入去已经感受到有氛围嘅环境，中间有几张梳化位嘅圆枱，旁边亦都有唔少长方形嘅中枱，灯光聚焦喺餐枱留嘅中心，令到每一碟食物上枱嘅时候都好似打咗灯咁靓。🍊海鲜拼盘 Seafood Platter 餐厅做紧一个好抵嘅特别优惠，星期一同二只需$99就食到一个丰富嘅二人份量海鲜拼盘，星期三至日就$199，都系非常抵食嘅冷盘前菜。海鲜拼盘包括法国黄金螺两只、新鲜空运生蚝两只、北海道带子两只、纽西兰青口四只同日式矶煮鲍鱼两只，全部都好新鲜同足料。法国黄金螺嘅螺肉口感结实弹牙，生蚝重海水味又几大只，北海道带子味道鲜甜，纽西兰青口嘅肉质饱满，日式矶煮鲍鱼嘅味道带有酱油嘅甜味，而且煮得好腍身入味🍊焗蚝 Classic Baked Oyster焗蚝有四只，我哋拣咗忌廉菠菜同芝士烟肉两款口味各两只，混合味道要额外加$20，焗蚝嘅尺寸较细，忌廉菠菜嘅口感顺滑，芝士烟肉就焗得比较干身🍊自家制蟹饼 Homemade Crab Cake蟹饼有三件，用咗用咗蟹肉、面包糠、洋葱、芫荽等材料制成嘅蟹饼，即叫即炸，食
🍊海鲜拼盘 Seafood Platter
餐厅做紧一个好抵嘅特别优惠，星期一同二只需$99就食到一个丰富嘅二人份量海鲜拼盘，星期三至日就$199，都系非常抵食嘅冷盘前菜。海鲜拼盘包括法国黄金螺两只、新鲜空运生蚝两只、北海道带子两只、纽西兰青口四只同日式矶煮鲍鱼两只，全部都好新鲜同足料。法国黄金螺嘅螺肉口感结实弹牙，生蚝重海水味又几大只，北海道带子味道鲜甜，纽西兰青口嘅肉质饱满，日式矶煮鲍鱼嘅味道带有酱油嘅甜味，而且煮得好腍身入味
🍊焗蚝 Classic Baked Oyster
焗蚝有四只，我哋拣咗忌廉菠菜同芝士烟肉两款口味各两只，混合味道要额外加$20，焗蚝嘅尺寸较细，忌廉菠菜嘅口感顺滑，芝士烟肉就焗得比较干身
🍊自家制蟹饼 Homemade Crab Cake
蟹饼有三件，用咗用咗蟹肉、面包糠、洋葱、芫荽等材料制成嘅蟹饼，即叫即炸，食落非常香脆可口，有啖啖嘅蟹肉，而炸物配沙律酱都好夹，不过略嫌伴碟嘅沙律酱份量较少
🍊原条龙虾尾扁意粉 Lobster Linguine
呢个扁意份嘅卖相好吸引，原只半边龙虾覆盖咗成只碟，龙虾嘅调味同酱汁都好浓郁，但略嫌龙虾肉较细件唔喺几够喉，不过值得一赞系个龙虾酱汁好好味，带有龙虾嘅鲜味同虾膏嘅浓味，酱汁浓稠到可以挂喺意粉上面，令意粉好入味，配埋清甜嘅蕃茄仔一齐食可以清新咗味蕾。
📍湾仔皇后大道东202号QRE Plaza 25楼
位置就脚：🍊🍊🍊🍊🍊
餐厅环境：🍊🍊🍊🍊🍊
食物味道：🍊🍊🍊🍊
整体CP值：🍊🍊🍊🍊
张贴
