影片
更多
2022-07-17
561 浏览
本身系想去食蒙面，但点知休息（地狱黑仔王）🥲 好彩我有Plan B，就行咗十分钟到去喜喜面馆。佢系喺黄埔同土瓜湾中间，一条巷仔，虽然偏僻但条巷仔劲多餐厅！食物份量十足，味道有质素，价钱都恰宜，观察下卫生都ok，台面同餐具都唔会痴立立油立立，上菜速度好快☺️🥢 喇沙(+$6) 油面 ($15) 芫茜 葱花 炸蒜 ▪️柱候牛腩 ($10) ▫️蚬 ($10) ▪️生菜 ($7) ▫️清甜萝卜 ($7)我对我碗车仔面非常满意💛 冇一样野需要弹😝 就特别讲讲要赞嘅野，首先最满意系佢嘅份量——巨多☺️ 牛腩够大旧，而且够多，能满足一个小食肉兽，我食得太开心冇细数，但起码有5-6旧，牛腩都煮得够腍够味！蚬有5只，我觉得算唔错，过下口瘾😋 但我最中意都系个白萝卜，真系超！清！甜！其实我以前唔食白萝卜（都唔太中意食车仔面，大个后食嘅次数喺5-10次内）后来食咗一次觉得唔错，今次就叫嚟试下，就有点爱上佢了🥹 好大旧好腍好甜，必食！至于喇沙汤底都唔错，微辣开胃惹味有椰香甜甜地，但就未至于令我会专登饮啲汤（不过都好难架！）油面煮得啱啱好，唔会太腍，份量适中，挂汤能力ok！食完成个面啱啱好，好满足！唯一系菜方面少咗啲，叫
本身系想去食蒙面，但点知休息（地狱黑仔王）🥲 好彩我有Plan B，就行咗十分钟到去喜喜面馆。佢系喺黄埔同土瓜湾中间，一条巷仔，虽然偏僻但条巷仔劲多餐厅！食物份量十足，味道有质素，价钱都恰宜，观察下卫生都ok，台面同餐具都唔会痴立立油立立，上菜速度好快☺️
🥢 喇沙(+$6) 油面 ($15) 芫茜 葱花 炸蒜
▪️柱候牛腩 ($10) ▫️蚬 ($10) ▪️生菜 ($7) ▫️清甜萝卜 ($7)
我对我碗车仔面非常满意💛 冇一样野需要弹😝 就特别讲讲要赞嘅野，首先最满意系佢嘅份量——巨多☺️
牛腩够大旧，而且够多，能满足一个小食肉兽，我食得太开心冇细数，但起码有5-6旧，牛腩都煮得够腍够味！蚬有5只，我觉得算唔错，过下口瘾😋
但我最中意都系个白萝卜，真系超！清！甜！其实我以前唔食白萝卜（都唔太中意食车仔面，大个后食嘅次数喺5-10次内）后来食咗一次觉得唔错，今次就叫嚟试下，就有点爱上佢了🥹 好大旧好腍好甜，必食！
至于喇沙汤底都唔错，微辣开胃惹味有椰香甜甜地，但就未至于令我会专登饮啲汤（不过都好难架！）油面煮得啱啱好，唔会太腍，份量适中，挂汤能力ok！食完成个面啱啱好，好满足！唯一系菜方面少咗啲，叫个𩠌好似抵啲😂
🥢 鱼汤 (+$3) 油面 ($15) 葱花
▪️咖喱鱿鱼 ($10) ▫️墨鱼丸 ($7) ▪️牛丸 ($7) ▫️溏心卤水蛋 ($7) ▪️芽菜 ($7)
男朋友叫嘅我当然都有偷嚟食🤪 我最欣赏系啲鱿鱼，必！叫！下次嚟食（一定有下次）我都一定会叫埋鱿鱼，都一样系好大旧，够爽，咖喱味浓，比较辣少少🤏🏻
墨鱼丸同牛丸冇乜特别，都系丸，不过不失～芽菜份量尚可，比生菜多少少🤏🏻 如果过唯一失望，但都意料之外嘅就系溏心卤水蛋——er…溏心咗喺边🤥 不过一开头我同男朋友睇menu都话要卤又要溏心好难㖞，都冇乜期望😂
29 浏览
0 赞好
0 留言
26 浏览
0 赞好
0 留言
15 浏览
0 赞好
0 留言
9 浏览
0 赞好
0 留言
7 浏览
0 赞好
0 留言
张贴
