影片
更多
2025-01-31
32 浏览
适逢初二小编去人哋屋企拜年。冇准备礼物又唔想两手揈揈，所以就去咗附近美孚新邨一间甜品店 @eat.nonsense 睇吓有冇啱嘅蛋糕，买上去分甘同味。发现佢哋而家做紧一个🙊🙊买四送一🙊🙊。非常适合多人聚会，而且味道款式够多，总有一个啱你身边嘅朋友。小编就试咗呢四只味：开心果味（要咗两件） 💚新年梗系要食开心果，而且开心果呢年咁红，一定有好多朋友争住要。佢嘅蛋糕中间都有软心部份，所以食落去好Creamy，开心果味未至于超浓𠮶种，感觉系同芝士各占50%，所以佢嘅味道都几平衡，唯独是略嫌甜咗少少。怕太甜有钟意开心果嘅朋友记得叫减糖𠮶款开心果。乌龙茶味、铁观音味🫖🫖茶味不嬲都系小编最爱，因为食落冇咁腻。佢两款嘅茶味都好香好浓，有茶嘅甘香味，而且唔系太甜，铁观音味小编感觉会清香少少。不过因为店家应该系加茶粉落去，所以食落去又冇开心果咁细滑。柠檬威士忌 🥃🥃呢款有啲惊喜，本身以为酒味都应该偏弱，但佢嘅威士忌味又几香几得出。加上柠檬嘅清香有少少似喺日本嘅high ball或者Lemon Sour咁。呢五件蛋糕小编大概买咗140几蚊，除返开一件都唔使$30 。因为呢度嘅蛋糕平均都系$29至$38，就算
适逢初二小编去人哋屋企拜年。冇准备礼物又唔想两手揈揈，所以就去咗附近美孚新邨一间甜品店 @eat.nonsense 睇吓有冇啱嘅蛋糕，买上去分甘同味。发现佢哋而家做紧一个🙊🙊买四送一🙊🙊。非常适合多人聚会，而且味道款式够多，总有一个啱你身边嘅朋友。
小编就试咗呢四只味：
开心果味（要咗两件） 💚
新年梗系要食开心果，而且开心果呢年咁红，一定有好多朋友争住要。佢嘅蛋糕中间都有软心部份，所以食落去好Creamy，开心果味未至于超浓𠮶种，感觉系同芝士各占50%，所以佢嘅味道都几平衡，唯独是略嫌甜咗少少。怕太甜有钟意开心果嘅朋友记得叫减糖𠮶款开心果。
乌龙茶味、铁观音味🫖🫖
茶味不嬲都系小编最爱，因为食落冇咁腻。佢两款嘅茶味都好香好浓，有茶嘅甘香味，而且唔系太甜，铁观音味小编感觉会清香少少。不过因为店家应该系加茶粉落去，所以食落去又冇开心果咁细滑。
柠檬威士忌 🥃🥃
呢款有啲惊喜，本身以为酒味都应该偏弱，但佢嘅威士忌味又几香几得出。加上柠檬嘅清香有少少似喺日本嘅high ball或者Lemon Sour咁。
呢五件蛋糕小编大概买咗140几蚊，除返开一件都唔使$30 。因为呢度嘅蛋糕平均都系$29至$38，就算比起其他蛋糕店都算系平价之选，加上而家买四送一嘅优惠，够晒抵，拎去送礼又唔会失威。
味道：8/10
抵食：8.2/10
Street Bomber (美孚)
美孚百老汇街69-119号美孚新邨四期3号地舖
（只休初一）
张贴
