相馬日式火鍋 荔枝角

营业中

休息中

今日去咗荔枝角一间叫「相马日式火锅」嘅餐厅食放题晚餐，最吸引嘅系连而家当造嘅大闸蟹都可以放题任食，每人$498无限时任食大闸蟹、鸡煲、海鲜、火锅配料、鸡翼、炸物同串烧，一个价钱满足晒所有欲望，真系好抵食，食物选择嘅款式好多，总有一款你啱食。而且无限时嘅放题真系好吸引，可以慢慢食慢慢叹，唔使食都赶头赶命，又可以有时间同朋友倾偈。🍊大闸蟹蟹嘅尺寸唔会太细，起码都有四両或以上，可以拣公或者乸，虽然要拆蟹谷有d麻烦，但每一只都有浓厚嘅蟹膏，食落非常满足，蟹肉亦都好甜，而且食大闸蟹放题餐仲可以无限任饮喜力啤酒添🍊海鲜款式种类好多，包括鲍鱼、大虾、贵妃蚌、带子、广岛蚝、扇贝等等，全部都味道鲜甜，食材新鲜，海鲜嘅精华透过蒸架滴落下面嘅汤底，令到个汤好鲜甜🍊鸡翼放题有好多款唔同煮法嘅鸡翼，我觉得最好食嘅系蜜糖鸡翼、水牛城鸡翼同蒜蓉牛油鸡翼，全部都整得好入味，鸡皮充满唔同口味，鸡肉仍然保持嫩滑多汁📍荔枝角长义街10号昌隆工业大厦1楼B-C号位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊🍊整体CP值：🍊🍊🍊🍊