影片
更多
2023-05-06
270 浏览
【观塘区】【家啡馆】我有压力，被人 WhatsApp 同我讲话我做得少观塘区，我自己都知，但系做过就知咩叫「顾此失彼」，要尽量照顾到大家嘅需要真系好难。不过都庆幸我尚算律己以严，都算喺呢个界别里面已经系勤力周围走嘅其中一个。讲到观塘，最近有印象食嘅已经系去到瑞和街街市嘅九鼎百味，真系几好食。而讲到耐冇食，蓝田就真系耐，上次系同朋友食木兆小品，真系超耐。之后就食咗一次呢间，但系呢间我唔太想食一次就写，所以我系食咗两次。第一次系食「英式全餐」，个餐系有丹麦酥、汉堡扒、火腿、肠仔、炒蛋、茄汁豆，我只能够讲佢就真系茶餐厅风味，就系好平庸嘅质素，真系冇咩特别好讲，配埋「热奶茶」先 $42 我又唔可能挑剔到啲乜，所以就系咁。大家睇完上一段就明白点解我坚持要食多一次先写，喂，真系冇嘢写吖嘛，我嘅写作技巧未高超到普通货色都写到好好食吖嘛。除非好似某啲 foodie 咁，篇篇都收钱，咁就水晶胶加双氧水都识得大嗌「好 好 味 呀 ！」啦。咁第二次我就叫其他嘢，一不做二不休整返个「皇牌精选扒餐」，点知到叫嘢𠮶时先知冇羊架，谂住试个牛柳，但又唔想要晒两件，想试多啲嘢嘛。咁就唯有叫「皇牌牛柳拼鸳鸯肠」，咁𠮶两条
讲到观塘，最近有印象食嘅已经系去到瑞和街街市嘅九鼎百味，真系几好食。而讲到耐冇食，蓝田就真系耐，上次系同朋友食木兆小品，真系超耐。之后就食咗一次呢间，但系呢间我唔太想食一次就写，所以我系食咗两次。
第一次系食「英式全餐」，个餐系有丹麦酥、汉堡扒、火腿、肠仔、炒蛋、茄汁豆，我只能够讲佢就真系茶餐厅风味，就系好平庸嘅质素，真系冇咩特别好讲，配埋「热奶茶」先 $42 我又唔可能挑剔到啲乜，所以就系咁。
大家睇完上一段就明白点解我坚持要食多一次先写，喂，真系冇嘢写吖嘛，我嘅写作技巧未高超到普通货色都写到好好食吖嘛。除非好似某啲 foodie 咁，篇篇都收钱，咁就水晶胶加双氧水都识得大嗌「好 好 味 呀 ！」啦。
咁第二次我就叫其他嘢，一不做二不休整返个「皇牌精选扒餐」，点知到叫嘢𠮶时先知冇羊架，谂住试个牛柳，但又唔想要晒两件，想试多啲嘢嘛。咁就唯有叫「皇牌牛柳拼鸳鸯肠」，咁𠮶两条肠都唔差，仲有一条系香草肠。
件牛柳同啲薯条就 Okay 啦，只系 okay 咁啰，以茶记扒嚟讲唔算差，铁板上所以五成熟都得。餐汤「罗宋汤」都系茶记风味，反而个餐包够晒热，几好。加 $3 饮「冻咖啡」，我觉得唔差嘅，咁样夹埋 $91 只系合理啰。。。
（地址：观塘蓝田启田商场2楼207号舖）
张贴
