影片
更多
2023-11-02
30 浏览
今次同大家介绍嘅系一间铜锣湾楼上烧肉店，我同朋友叫咗个活海鲜和牛二人盛，原价$888，提前预订就减$280。———————————————🌟前菜前菜一共有两款，先系龙虾沙律伴青瓜，唔系讲笑龙虾沙律真系有龙虾肉，而且都几实净，连埋青瓜感觉好fresh都几开胃。另外一款就系和风枝豆拼麻辣牛舌，牛舌唔会太辣咬落又爽口，切成条状入口更方便，上面再加上少量芝麻增添香味。.🌟烧海鲜重头戏先系网烧鲜活鲍鱼，鲍鱼一共有两只，餐厅已经帮你处理好切片，旁边有锡纸兜连同牛酒蒜蓉提供，可以直接放入去烧，烧完之后个味道非常香而且肉质都好弹牙。.跟住就系蒲烧鲜活鳗鱼，鳗鱼唔系平时见果种啡色腌好晒，而系真正新鲜仲系白色肉，烧完出黎味道肉质鲜美又有鳗鱼味，有少量骨但唔会多。.🌟烧肉主力一定系日本A5和牛西冷，净系望到佢啲雪花真系靓到一个点，烧到5成熟食真系好正，有肉汁有重牛味仲要一啲筋都冇😍其余嘅都仲有M9和牛同牛舌，全部都属于高级牛味道都好浓。.🌟主菜主菜分别可以简炒饭或者冷荞麦面，我地就简左黑松露和牛炒饭，炒出嚟味道都好香，不过和牛份量比较少所以味道唔系好出，反而黑松露香会多少少，不过味道都唔错！.🌟甜品甜品方面
今次同大家介绍嘅系一间铜锣湾楼上烧肉店，我同朋友叫咗个活海鲜和牛二人盛，原价$888，提前预订就减$280。
———————————————
🌟前菜
前菜一共有两款，先系龙虾沙律伴青瓜，唔系讲笑龙虾沙律真系有龙虾肉，而且都几实净，连埋青瓜感觉好fresh都几开胃。
另外一款就系和风枝豆拼麻辣牛舌，牛舌唔会太辣咬落又爽口，切成条状入口更方便，上面再加上少量芝麻增添香味。
.
🌟烧海鲜
重头戏先系网烧鲜活鲍鱼，鲍鱼一共有两只，餐厅已经帮你处理好切片，旁边有锡纸兜连同牛酒蒜蓉提供，可以直接放入去烧，烧完之后个味道非常香而且肉质都好弹牙。
.
跟住就系蒲烧鲜活鳗鱼，鳗鱼唔系平时见果种啡色腌好晒，而系真正新鲜仲系白色肉，烧完出黎味道肉质鲜美又有鳗鱼味，有少量骨但唔会多。
.
🌟烧肉
主力一定系日本A5和牛西冷，净系望到佢啲雪花真系靓到一个点，烧到5成熟食真系好正，有肉汁有重牛味仲要一啲筋都冇😍其余嘅都仲有M9和牛同牛舌，全部都属于高级牛味道都好浓。
.
🌟主菜
主菜分别可以简炒饭或者冷荞麦面，我地就简左黑松露和牛炒饭，炒出嚟味道都好香，不过和牛份量比较少所以味道唔系好出，反而黑松露香会多少少，不过味道都唔错！
.
🌟甜品
甜品方面有自家制牛乳冻，味道食落唔会太甜，牛乳味浓郁口感都滑身，上面仲有落糖浆或者士多啤梨酱，各有风味。
.
🔸整体评价
套餐都算多，牛肉质素绝对系唔话得，除咗以上套餐外都仲有其他套餐或者单点菜式，大家都可以根据自己口味配搭。
张贴
