緣味小聚 (金百利廣場) (已結業)

铜锣湾金百利一向都系美食嘅集中地，而且邻近SOGO非常方便。今日介绍嘅餐厅为海鲜蒸气锅放题，150分钟内除咗可以食海鲜之外，仲可以选择叫佢哋嘅手工点心、澳洲和牛同埋其他小食。🌟150分钟法国生蚝海鲜蒸气锅套餐 $348呢一个套餐基本上以下食物都系任食，包括：法国生蚝、韩国鲜鲍鱼、大海虾、大白贝、鲜甜蛏子、时令贝壳类、澳洲M5和牛、安格斯肥牛、西班牙黑毛猪、舞荜花滑鸡、多款滋味小食、手工精经点心、火银配料。所以见到啱食既食物可以叫多几件。同一般蒸气锅一样，先食海鲜，基本上全部海鲜食落去都好新鲜有咩腥味同冇咩沙。职员会亲自为每枱客户服务，帮客人准确控制海鲜烹调时间，唔使怕海鲜蒸过龙同埋有计时器计时包一定唔会唔记得食。食完海鲜之后，就可以打边炉啦，除咗餐厅主打嘅澳洲M5和牛，亦都可以选择其他肉类例如西班牙黑毛猪。同一般嘅海鲜放题唔同，餐厅亦提供唔同类型嘅点心俾我哋选择，当中包括黑金流沙包、烧卖、小笼包、手打牛肉球。打完边炉之后，就可以食粥，因为汤底加咗椰子水，所以食落都好重椰子香味。📌缘味小聚 @marginal.gathering 铜锣湾记利佐治街1号金百利广场7楼R4号舖🚇港铁铜锣湾站