影片
更多
2017-11-29
2120 浏览
之前去荃湾，最多去就系行吉之岛一田 或者加多个千色同南丰中心， 但系有左GOGO 之后，愉景新城真系系一个天堂 地方够大，小朋友野东西够多 佢地既转型转得好好，令到一个死城变成一个天堂 起码连我地呢对新手父母都会成日带仔黎玩下吗 不过今日我就唔系分享愉景新城， 而系我想带大家去食好西 话说之前去完旅行实在太攰冇点带阿仔番婆婆度， 所以挂孙心切既婆婆入左荃湾见下BB 系愉景玩完一轮又睇完一轮 系时候医下肚仔，谂唔到食咩之际 阿妹话之前同同事去左香车街食饭都好食啵 既然系咁...一于就试下呢间香车街大排档啦 香车街街市既大排档要上楼梯既，同时亦分开左两边既餐厅 而我地今次食既就系有好多波波灯既和记厨房啦 老老实实，呢间厨房都好旺场 当日我大约7点到，都已经好似有一半位比人坐左 由于太肚饿啦，坐好左就点菜啦!! 首先有我最爱既，招牌炸猪手$138/碟 呢个猪手一开头以为佢好吸引好香好脆 不过食到D 肉就知道佢系用水煮熟晒, 再拎去炸,除非即刻一上碟就清晒 唔系冻左麻麻地好食啦 第二道就系啫啫通菜煲 $78 本身系冇打算叫呢个菜既，但系费时叫四样菜 就叫个菜食下啦，呢个啫啫通菜超入味 每一
或者加多个千色同南丰中心，
但系有左GOGO 之后，愉景新城真系系一个天堂
地方够大，小朋友野东西够多
佢地既转型转得好好，令到一个死城变成一个天堂
起码连我地呢对新手父母都会成日带仔黎玩下吗
不过今日我就唔系分享愉景新城，
而系我想带大家去食好西
话说之前去完旅行实在太攰冇点带阿仔番婆婆度，
所以挂孙心切既婆婆入左荃湾见下BB
系愉景玩完一轮又睇完一轮
系时候医下肚仔，谂唔到食咩之际
阿妹话之前同同事去左香车街食饭都好食啵
既然系咁...一于就试下呢间香车街大排档啦
香车街街市既大排档要上楼梯既，同时亦分开左两边既餐厅
而我地今次食既就系有好多波波灯既和记厨房啦
老老实实，呢间厨房都好旺场
当日我大约7点到，都已经好似有一半位比人坐左
由于太肚饿啦，坐好左就点菜啦!!
首先有我最爱既，招牌炸猪手$138/碟
呢个猪手一开头以为佢好吸引好香好脆
不过食到D 肉就知道佢系用水煮熟晒,
再拎去炸,除非即刻一上碟就清晒
唔系冻左麻麻地好食啦
第二道就系啫啫通菜煲 $78
本身系冇打算叫呢个菜既，但系费时叫四样菜
就叫个菜食下啦，呢个啫啫通菜超入味
每一啖菜都有酱汁系度，送饭系一流
亦系最快清碟既一款菜式
另外呢个系开边蒸虾 $108
楼下就系街市，D海鲜冇理由唔新鲜既
呢个开边虾，虾就真系好新鲜既,
同时D 虾肉系弹牙又唔老
重点系一夹就可以食到，比起一般酒楼食到更好味
超推介的!!
另外亦系海鲜食品，呢一款系豉汁蒸大鳝 $108
由于我唔方便食D 无鳞既鱼，所以就冇试过味啦
不过家人就话佢同虾一样咁新鲜,肉质好滑
整体而言都系好好食既
最后就是阿妹要求点既，石本仔鱼肠 $88
老老实实既，我真系对焗鱼肠既食品呢不嬲兴趣不大
但系呢个焗得好香，佢上菜时已经有阵阵香气
我就冇特别食到鱼肠部份，但系煎蛋部份好好味好香
不过四个大人吃五个菜都差D 食唔晒
佢地既菜式就算都适中，唔会太细碟啰
另外佢地汽水同靓仔(白饭)都$12 /个/罐
唔洗加一，我地今次食左$578
平均每人$150左右啦
抵唔抵食就见人见志啦，我就觉得下次可以再试下其他食物
张贴
