金發車仔麵

营业中

休息中

【黄大仙区】【金发烧烤车仔面】之前讲到夜妈妈有啲肚饿就同朋友去咗牛池湾食宵夜，当时系去咗「随便坐车仔面烧烤」，都 okay，系等得耐咗少少。今次就同道歉哥去咗另一间食，呢间其实喺正大路嘅路口位，位置上甚至系方便过上次𠮶间嘅。今次道歉哥话想食面，咁呢间嘢有面供应当然冇问题。佢之前喺大陆凭住一碗面成功追到一个女仔，绝对系食面界 KOL。而今次我都有陪佢食嘅，睇吓会唔会可以喺同佢食面嘅过程中学到一招半式，唔使好似我呢啲单身咁惨。我就叫咗个 $24 嘅「自选公仔面」，可以拣三个𩠌，阿姐都系喺现场即场执畀我。我要咗煎蛋、烟肉同埋炸鱼饼，味道正正常常，好似屋企自己整咁。面底我加 $3 要咗福面，佢系上汤伊面𠮶只福面，想食嘅话就要留意吓。嘢饮方面，道歉哥饮罐装可乐，我就饮枝装嘅「五花茶」，听阿姐讲系佢哋自己煲嘅，咁巴闭就整枝嚟饮吓，味道正常，唔差。队多 $200 串烧，任拣，有十几串，都几快有，味道都正常，对得住个价钱，不过夹埋几钱就忘了。之后再叫多咗次外卖串烧，喺佢同附近𠮶间之间拣佢，主要系因为佢哋烧得够快，等咗冇一阵就已经有。不过我被阿姐敬告叫我夹嘢要戴好个口罩，我鼎我就系见佢烧嘢都拉低口罩我先