潮盛館

营业中

休息中

【黄大仙区】【潮盛馆】同春哥做嘢之后揾地方食饭，佢比较少嚟新蒲岗呢头食嘢，冇乜谂头之下是但拣咗呢间路口位嘅潮州嘢嚟试。佢试 $68 嘅「潮盛招牌三宝饭」，由于我哋系两点半后入座，所以减咗十蚊。有鹅肉、鹅肝、鹅肠嘅配搭，仲有卤蛋，咁嘅价钱食到呢个味道几抵。我就试 $118 嘅「醉香三宝饭」，都系减咗十蚊嘅价钱嚟，我呢份就有鹅肝、墨鱼、鸡髀，好正呀，加 $5 转「米粉」先惊喜，汤底系鸡汤底嚟，好好饮，估佢唔到。跟住我哋都试咗啲小食，先试 $53 嘅「砂姜猪手」，几大碟，沙姜味又够香，系唔错嘅。之后试埋 $47 嘅「藤椒鱼皮」，佢哋切得比较细块，一啖一件，好食，一件驳一件咁食，相当邪恶。我哋都加 $3 要冻饮，佢哋嘅「冻柠茶」同「冻奶茶」都系正常茶餐厅水准，唔错。咁食法埋单先 $297，抵，原来佢哋啲下午茶都劲平，用嚟做饭堂一流呀。。。（地址：新蒲岗宁远街3-23号越秀广场地下G25-G27号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious