影片
更多
2024-10-29
780 浏览
位于中环都爹利街嘅呢间高级西餐厅，以拉丁文「Lux」命名，中文即系「光」嘅意思。餐厅喻意将意法菜嘅传统味道发光发亮，查实我觉得更有延续街上媒气路灯醉人情怀嘅意思。呢度由曾为五星酒店餐厅嘅厨师主理，主打精致意法料理；店内装修古典优雅，处处浸透住浓浓嘅浪漫气氛，所以好啱跟情人知己嚟庆祝食饭。今次佢哋为庆祝开业2周年，特别喺 OpenRice 推出多项周年庆优惠，最吸引阿叔莫过于晚市全单8折，即系最低可以以 $662 叹到4道菜，真心好吸引！🍴4-course Tasting Menu ($662)全个餐4道菜式，包沙律或汤、意粉、主菜同甜品，除沙律或汤外，每款都有2至3款选择，跟朋友每人叫一款开心 share 就最好不过喇！🦞Lobster Bisque, Lobster Ravioli 加上白兰地同豆油嘅龙虾汤，口感香滑浓稠，味道浓郁，配上一小粒以龙虾肉做成嘅意大利云吞，更添饱感，好有诚意，绝对系阿叔嘅真心推介！🧀Spaghetti, 24 Months Parmesan Cheese, Black truffle 店内嘅招牌菜式之一！用上24个月嘅巴马臣芝士煮出嚟嘅意粉，唔单止好香芝士
呢度由曾为五星酒店餐厅嘅厨师主理，主打精致意法料理；店内装修古典优雅，处处浸透住浓浓嘅浪漫气氛，所以好啱跟情人知己嚟庆祝食饭。
今次佢哋为庆祝开业2周年，特别喺 OpenRice 推出多项周年庆优惠，最吸引阿叔莫过于晚市全单8折，即系最低可以以 $662 叹到4道菜，真心好吸引！
🍴4-course Tasting Menu ($662)
全个餐4道菜式，包沙律或汤、意粉、主菜同甜品，除沙律或汤外，每款都有2至3款选择，跟朋友每人叫一款开心 share 就最好不过喇！
🦞Lobster Bisque, Lobster Ravioli
加上白兰地同豆油嘅龙虾汤，口感香滑浓稠，味道浓郁，配上一小粒以龙虾肉做成嘅意大利云吞，更添饱感，好有诚意，绝对系阿叔嘅真心推介！
🧀Spaghetti, 24 Months Parmesan Cheese, Black truffle
店内嘅招牌菜式之一！用上24个月嘅巴马臣芝士煮出嚟嘅意粉，唔单止好香芝士，口感亦好creamy，即使加上大量原片黑松露都唔会盖过。
🦆Strozzapreti, Braised Duck Ragout, Wild Mushrooms, Baby Spinach
另一味道较浓味嘅意粉，用上口感弹牙嘅短卷面，再加上野菇、鸭肉，丰富口感，够晒惹味。
🥩USDA Ribeye, Shallots Jus
煎至三成熟嘅美国肉眼，肉质幼嫩之余，肉味浓郁又多汁，细细地两件都已经好足够。
🐟Miso Toothfish, Baby Fennel, Horseradish Cream
食完意粉，其实阿叔都饱咗7成，如果怕太腻，建议可食呢道以味噌调味嘅鱼柳，配上特制酱汁，感觉无咁heavy。
🍧Dessert
甜品可拣芝士拼盘或者呢款卖相咁靓嘅甜品，佢以青提子跟青柠啫喱作底，配埋用上白朱古力同接骨木花制成嘅忌廉，酸酸地嘅味道，好refreshing！
👨🏾阿叔食后感：自己都有好一段时间无食 fine dining (可能平时多数拣食日本菜先)，论呢度嘅食物质素、餐厅环境，再加埋员工贴心嘅服务，能够以 8折食到佢哋 4道菜式，我又真心觉得几抵食，认真都好饱添！👍🏽👍🏽👍🏽
张贴
