熊貓小雲吞 (愛民廣場)

营业中

休息中

今次去到何文田谂住去朋友屋企玩，之前就拣咗一间川菜，因为价钱相宜又样样都想试。叫叫下就叫咗好多𩠌，咁都只系200蚊，真系太抵食，可以试唔少菜式。💡 二人优惠套餐 $138🔺 重庆酸辣粉 ＆ 重庆凉面两碗主食就拣咗一冻一热，酸辣粉汤底酸酸辣辣，配上挂晒汤嘅薯粉，有咬口又够过瘾。重庆凉面适合夏天食，有青瓜、花生等脆口野，食落又冇咁闷，凉面弹牙，配上重庆辣汁，好惹味。🔺 蜂蜜芥末鸡翼 2只炸皮个感觉又有啲港式感觉，似生炸鸡翼，炸得刚刚好，外脆内软，又好juicy。配上浓浓嘅蜂蜜芥末酱，甜得嚟又有芥末唔会太腻。😍🔺 红糖糍杷 & 香桃茶 & 青苹果茶叫得二人餐，点少得甜点同饮品。红糖糍杷上有满满嘅黄豆粉及红糖酱，份量仲要比想像中多好多！茶都好清新，配上浓味嘅主食刚刚好～💡凉拌皮蛋 $22川菜又点少得皮蛋，配上口水汁，辣辣地加上皮蛋独特嘅口感同味道，作为小菜系几正！双拼云吞套餐 - 高丽菜 & 韮菜 (紫菜汤) $48云吞皮薄但唔会松散晒，馅料调味恰到好处，配合紫菜汤底都几夹。