影片
更多
2022-12-27
1512 浏览
【📍尖沙咀 日本菜 － A4和牛寿喜烧 ｜ 🈴格 👀期望更多】去之前本身想睇吓Openrice，参考有咩值得食，点知评价都几两极。唔知系平日夜晚少人，出货冇lunch time咁赶，定避开咗啲易伏嘅嘢，整体算系可以接受嘅～💡帯広はげ天名物天妇罗饼丼定食 $178天妇罗饼有虾、三文鱼、蔬菜，上菜时唔算太热，炸皮都算脆，食食下仲有啲油咁。估都估唔到，最好食竟然系天妇罗饼下面个饭同天妇罗汁，呢度嘅天妇罗汁甜甜地又调到好有鲜味，朋友都一致认同～💡烧松药蟹肉蟹味噌伴法包 $108卖相真系几日系，细细个铁锅喺度烧，去到咁上下店员会帮手打开。本身好钟意食蟹，所以都几期待。𢳂起少少放上多士到食，蟹膏有啲太腥，浓味到食唔到蟹肉咩味，多士系脆，但食完真系觉得冇咩特别，少少失望。💡A4和牛寿喜烧 $408本身就好钟意寿喜烧，汤底好甜，配菜一路煮，汤底就慢慢变得更甜。本身个底有少少粉丝，系粗身啲嘅，索晒啲汤真系好好味。主角A4和牛，得4块3个人分，认真有啲唔够喉，不过大大块索晒寿喜烧嘅甜味，再点啲蛋浆，有牛味又柔软，质感细嫩。另外再加咗个乌冬，都系急冻弹牙乌冬，食落当然就正喇！💡和风烧虾饼 ＄48不过不失，有
去之前本身想睇吓Openrice，参考有咩值得食，点知评价都几两极。唔知系平日夜晚少人，出货冇lunch time咁赶，定避开咗啲易伏嘅嘢，整体算系可以接受嘅～
💡帯広はげ天名物天妇罗饼丼定食 $178
天妇罗饼有虾、三文鱼、蔬菜，上菜时唔算太热，炸皮都算脆，食食下仲有啲油咁。估都估唔到，最好食竟然系天妇罗饼下面个饭同天妇罗汁，呢度嘅天妇罗汁甜甜地又调到好有鲜味，朋友都一致认同～
💡烧松药蟹肉蟹味噌伴法包 $108
卖相真系几日系，细细个铁锅喺度烧，去到咁上下店员会帮手打开。本身好钟意食蟹，所以都几期待。𢳂起少少放上多士到食，蟹膏有啲太腥，浓味到食唔到蟹肉咩味，多士系脆，但食完真系觉得冇咩特别，少少失望。
💡A4和牛寿喜烧 $408
本身就好钟意寿喜烧，汤底好甜，配菜一路煮，汤底就慢慢变得更甜。本身个底有少少粉丝，系粗身啲嘅，索晒啲汤真系好好味。主角A4和牛，得4块3个人分，认真有啲唔够喉，不过大大块索晒寿喜烧嘅甜味，再点啲蛋浆，有牛味又柔软，质感细嫩。另外再加咗个乌冬，都系急冻弹牙乌冬，食落当然就正喇！
💡和风烧虾饼 ＄48
不过不失，有一两块散散地，味道上冇咩特别，就系平时嘅虾饼味。
💡五日市豚腩片葱卷 ＄45
豚腩片渗出油香，葱吸收晒肉汁，包住嚟食系唔错。
朋友搭咗杯柚子酒，柚子好浓好甜，同酒分开咗两层味。我点咗杯啤酒，衬晒寿喜烧。呢个价位会expect更多，感觉好似有少少虚张声势，好在个寿喜烧算系唔错，全晚都系合格啦～
张贴
