三點三冰室

营业中

休息中

同朋友逛青衣城，买咗衫同裤，行经附近三点三冰室歇脚，见到餐牌好多菜式，入去餐厅食嘢，必点杏霜同红豆冰。邪恶西多士最经典又邪恶嘅港式美食。西多士厚身，用了厚多士加入蛋浆，油炸到黄金色黄，食落好香脆，点了炼奶食，甜丝丝嘅味道，喺冰室必点之选。瑞士鸡翼捞丁瑞士汁味道够鲜，面吸收瑞士汁精华又有色泽，捞面干身爽弹， 瑞士鸡翼入味，yummy 😋芝心虾多士原只虾肉馅料好爽脆，炸多士酥脆可口，食落有半融芝士嘅微微焦香，食到停唔到口！二世祖捞丁豪华牌捞丁，有鲍鱼同带子又有冬菇，鲍鱼够弹牙，再加入好大粒带子，配搭加入酱油嘅捞丁，真喺二世祖级嘅享受。妙龄乳鸽简单嘅菜式，要花上3小时才完成，感觉好抵食。鸽皮金黄色，外皮脆嫩，骨软肉酥。