影片
更多
2024-02-05
1912 浏览
尖沙咀柯士甸路旺中带静，有一间楼高两层嘅法国菜餐厅Scarlett Cafe & Wine Bar，地面系酒馆，以高台为主，采用咗半露天开放格局，空间感十足，酒区有大量法国唔同年份嘅红酒白酒，适合喜欢品酒嘅人士，晚上酒馆灯光柔和昏暗，好有浪漫格调，呢度嘅法国籍经理同埋侍应殷勤有礼，吸引咗唔少外国人光顾。二楼系法国菜用餐区，同样有落地玻璃，餐厅适合情侣、家人或朋友晚餐，上层有半开放式厨房，可以见到外籍厨师们准备佳肴。Scarlett 美酒佳肴一应俱全，值得去体验一下。Wagyu Rib Eye主食拣咗和牛，肉眼牛扒煎至medium ，牛扒内里色质红润，和牛油脂感平衡，牛肉味浓郁，肉质软腍，牛扒沾上少少海盐经已能够带出最佳风味，旁边另配两款唔同嘅酱汁，一款系烧烤汁，另一款系芥末酱，味道酸酸甜甜。另外配上幼身薯条，上枱时够热，外脆内软，味道咸咸地，即使放耐咗亦非常香脆。Carbonara意粉软硬度适中，口感烟靭弹牙，加入咗大量烟肉、芝士碎，香葱、蘑菇等，非常足料。意粉挂汁，芝士同埋忌廉味浓郁，口感creamy丰富，烟肉煎香过带有咸香味，口感香脆，意粉上嘅温泉蛋非常吸引，将流心蛋液捞匀之后，令
尖沙咀柯士甸路旺中带静，有一间楼高两层嘅法国菜餐厅Scarlett Cafe & Wine Bar，地面系酒馆，以高台为主，采用咗半露天开放格局，空间感十足，酒区有大量法国唔同年份嘅红酒白酒，适合喜欢品酒嘅人士，晚上酒馆灯光柔和昏暗，好有浪漫格调，呢度嘅法国籍经理同埋侍应殷勤有礼，吸引咗唔少外国人光顾。二楼系法国菜用餐区，同样有落地玻璃，餐厅适合情侣、家人或朋友晚餐，上层有半开放式厨房，可以见到外籍厨师们准备佳肴。Scarlett 美酒佳肴一应俱全，值得去体验一下。
Wagyu Rib Eye
主食拣咗和牛，肉眼牛扒煎至medium ，牛扒内里色质红润，和牛油脂感平衡，牛肉味浓郁，肉质软腍，牛扒沾上少少海盐经已能够带出最佳风味，旁边另配两款唔同嘅酱汁，一款系烧烤汁，另一款系芥末酱，味道酸酸甜甜。另外配上幼身薯条，上枱时够热，外脆内软，味道咸咸地，即使放耐咗亦非常香脆。
Carbonara
意粉软硬度适中，口感烟靭弹牙，加入咗大量烟肉、芝士碎，香葱、蘑菇等，非常足料。意粉挂汁，芝士同埋忌廉味浓郁，口感creamy丰富，烟肉煎香过带有咸香味，口感香脆，意粉上嘅温泉蛋非常吸引，将流心蛋液捞匀之后，令意粉多一阵蛋香，口感更加滑溜。
Le Citron
传统嘅法式甜点Lemon Tart ，Meringue轻盈滑口，柠檬味道酸酸甜甜，中和了晚餐浓厚嘅味道，曲奇挞底酥脆，配上法式柠檬雪葩，味道好清爽。
餐前面包
主食之前先会送上法式酸种面包，面包边烘至脆身，温度微暖，包身松软带有烟韧嘅拉扯感，面包麦香味浓郁，搽上少少牛油嚟食唔错。
张贴
