太平館餐廳

营业中

休息中

讲重点。星期三晚四个人一齐去咗呢间舖，见个巨型梳乎厘好似好得意咁，就点咗一份share（除咗红酒冇再点其他嘢）。结果，份梳乎厘唔似梳乎厘不在话下，更恐怖系第二日开始四个人都食物中毒，疴呕发烧！！有两个仲严重到入咗医院，今日（事隔三日）都仲未出得院啊！！认真，睇样都觉得好伏，乜梳乎厘系咁嘅样架咩。食落去，得外面𠮶薄薄哋一层系硬嘅（硬到唔应该系梳乎厘嘅硬度），里面成旧就调返转，只可以话系生生哋嘅蒸蛋。好难食啊！！除咗因为特别可以打下卡（otherwise我都唔会为呢啲咁难食嘅嘢影相），我真系唔知呢碟嘢有啲咩存在价值。好辛苦啊疴呕肚痛发烧头痛咗几日喇！！至于服务就可以话系冇服务可言，可能主观情感有啲影响啦，印象中个侍应语气系衰衰哋嘅。结论，唔想死千祈唔好帮衬。