低調高手大街小食

营业中

休息中

一经过筲箕湾，就会忍唔住食呢间嘅鸡蛋仔。☺️今次星期日去，就等咗大约20分钟，不过完全值得‼️ 上手时系温热，一搣就完整搣到，可见边位已经好脆。每粒都做到外脆内软，入面系蛋糕质感，一半空气一半糕，仲有啲蛋香味。之前睇访问讲过，老板连纸袋都落足心机，专登自己再打多几个窿，希望透气做得好啲。鸡蛋仔真系香港人嘅回忆，好欣赏老板唔系hea做，呃下学生哥钱就算(平时街上都唔少伏又冇心机嘅鸡蛋仔)，好认真研究点样去做好香港小食名物。每一底都即叫即整，仲几乎日日亲身到店坐阵。未试过嘅一定要试，试过嘅不如支持多几次。