沖繩二段料理 (荷里活廣場)

营业中

休息中

就快两点先食lunch，所以可以唔驶排队即刻入去食。嗌咗个8倍浓汤蕃茄乌冬配撘饺子餐（$62另收加一），一开始摆盘几得意，下面系乌冬，上面系用蒸笼装著嘅饺子。稻庭乌冬烟烟韧韧，几挂汁，蕃茄汤底似用粉开，系几浓郁同有少少辣味，但得一块真番茄，如果多啲真番茄会好啲。个饺子望落去好吸引，有啲橙橙哋类似千岛酱喺上面，蒸出来热辣辣，但我觉得啲酱有啲漏，之后拨走咗啲酱先食。味道正常，无乜特别，同一般超市蒸饺差唔多味。跟餐仲有杯嘢饮，叫咗热黑糖柠檬茶，原来啲黑糖系另上自己毕落去嘅，茶味似茶餐厅啲茶咁。呢间嘢卖相好靓，食物份量都好足，但食落味道普通，如果只系贪得意都可以试下嘅。