CHEF’s CUTs

营业中

休息中

喺外国，有唔少街市或者市场都有自己餐厅，可能反正都卖开，不如再卖贵少少煮埋畀客食，一举两得✌🏽！嚟到香港，呢一、两年都开始兴呢种餐厅，你见铜锣湾City Super、太古城AEON就系其中例子。 同样concept，近日位于中环街市底层嘅超市就开咗一间全新餐厅，💻网上揾资料，餐厅主理人嚟自爱尔兰🇮🇪，曾走遍瑞士、新西兰、加洲、多伦多等地，亦做过酒店行政总厨👨🏼‍🍳好几年，所以呢度以西餐为主，主打各款时令海鲜同市面好少有嘅牛脂熟成黑安格斯肉眼扒。 🐙西班牙风味烤八爪鱼、薯仔、番茄 ($145)，八爪鱼鲜嫩弹牙，用上特制酱汁烹调，非常惹味。加埋薯仔、橄榄、番茄等配料份量都唔少，食极都好似仲有咁，用嚟送酒一流！😊 🦞杂锦海鲜拼盘 ($498/2人用)，绝对推介嘅主菜之一，嚟到必食！单睇佢嘅卖相你就知佢咩料啦😏！加拿大龙虾🦞、北海道带子、西班牙八爪鱼🐙、泰国虎虾🦑、生蚝🦪、蓝青口、钻石蚬等等，2人份量，非常抵食！😊 🍝北海道带子海胆酱墨汁意大利面 ($198)，意粉条条沾满海胆酱酱汁，口感弹牙，味道又浓郁，加埋大大粒嘅北海道带子同味道鲜甜嘅三文鱼籽，呢个fusion组合又几好味！