影片
更多
2017-09-30
494 浏览
星期六瞓醒，差唔多中午，又到食饭时间。唔想煮，咁就同老婆落街揾食啦。不过唔知食乜，万无目的咁游荡，黎到水街。都几多选择，经过猜包剪揼决定后，✊vs✌️就入左金祥。呢间野喺水街口，黄底红字招牌，平时经过都几显眼，外面装潢冇乜特别都系贴满野食相。但入到去，玻璃枱面木圆枱，怀旧sofa卡位，感觉几老牌面店feel。行左一轮，已经好Q饿，喇喇淋坐底睇餐牌，发觉款式都唔少。不过唔洗谂，叫个最多𩠌既，饿丫麻~我就叫左个牛腩水饺排骨面，老婆就叫左冬菇鸡球排骨面。见到门口招牌煎饺子张相，一于叫埋啦～个面黎到时就知大镬了....原来排骨(即系猪扒)系分开上，即系我地有两碟。哗...正呀～好多𩠌呀～ 个排骨好松脆，油味唔浓，几好~ 水饺大大粒，牛腩够腍唔怕鞋，鸡球又够入味，份量唔系少~ 两个食完都真算捧住个肚走。金祥真系唔错，cp值高，可以翻食。下一次会叫个鲮鱼肉腐皮卷试试~
呢间野喺水街口，黄底红字招牌，平时经过都几显眼，外面装潢冇乜特别都系贴满野食相。但入到去，玻璃枱面木圆枱，怀旧sofa卡位，感觉几老牌面店feel。
行左一轮，已经好Q饿，喇喇淋坐底睇餐牌，发觉款式都唔少。不过唔洗谂，叫个最多𩠌既，饿丫麻~
我就叫左个牛腩水饺排骨面，老婆就叫左冬菇鸡球排骨面。见到门口招牌煎饺子张相，一于叫埋啦～
个面黎到时就知大镬了....原来排骨(即系猪扒)系分开上，即系我地有两碟。哗...正呀～好多𩠌呀～ 个排骨好松脆，油味唔浓，几好~ 水饺大大粒，牛腩够腍唔怕鞋，鸡球又够入味，份量唔系少~
两个食完都真算捧住个肚走。金祥真系唔错，cp值高，可以翻食。下一次会叫个鲮鱼肉腐皮卷试试~
牛腩水饺排骨面
$45
49 浏览
0 赞好
0 留言
冬菇鸡球排骨面
$45
54 浏览
0 赞好
0 留言
煎饺子
$26
29 浏览
0 赞好
0 留言
张贴
