影片
更多
2009-10-21
67 浏览
21-10-2009一早已话约朋友 J 食 lunch, 奈何大家 schedule 太唔夹了 , 无数次改期后, 呢日终于可以食餐饭倾个偈. 睇了食评好似不错, 亦离大家公司唔远, 又订呢度试试. 大家都叫了 pasta set lunch, 跟 soup/salad 及 coffee/tea.Table bread 有 croutons 及芝麻 pastry twists, 前者松化又香脆, 后者就比想像中硬实, 亦无预期中的牛油香芝麻香, 个人而言较喜欢前者; 挂住食包, 无试另外 serve 的 Balsamic vinegar, 唔知又如何?汤系 minestrone (?), 材料有西芹, 薯仔, 红萝卜之类, 带强劲的新鲜 tomato puree 酸香, 不过 serve 时严重唔够热, 结果饮到一半佢已冻晒, 唯有放弃.主食拣了 cold pasta with dice cut salmon & salmon roe*, 份量奇大 , 卖相令人谂起日本餐厅定食的「意粉沙律」前菜... 冻食 capellini 煮得烟韧有咬口, 落了唔少 olive oil 及少量
一早已话约朋友 J 食 lunch, 奈何大家 schedule 太唔夹了 , 无数次改期后, 呢日终于可以食餐饭倾个偈. 睇了食评好似不错, 亦离大家公司唔远, 又订呢度试试. 大家都叫了 pasta set lunch, 跟 soup/salad 及 coffee/tea.
Table bread 有 croutons 及芝麻 pastry twists, 前者松化又香脆, 后者就比想像中硬实, 亦无预期中的牛油香芝麻香, 个人而言较喜欢前者; 挂住食包, 无试另外 serve 的 Balsamic vinegar, 唔知又如何?
汤系 minestrone (?), 材料有西芹, 薯仔, 红萝卜之类, 带强劲的新鲜 tomato puree 酸香, 不过 serve 时严重唔够热, 结果饮到一半佢已冻晒, 唯有放弃.
主食拣了 cold pasta with dice cut salmon & salmon roe*, 份量奇大 , 卖相令人谂起日本餐厅定食的「意粉沙律」前菜... 冻食 capellini 煮得烟韧有咬口, 落了唔少 olive oil 及少量 garlic, 面头铺满 cube 状三文鱼及少量三文鱼籽, 拌匀嚟食, 带三文鱼籽的咸香, 三文鱼唔算好肥美, 但感觉几新鲜, 口味清新, 食晒成碟都唔觉腻, 几好食亦几得意.
朋友拣的 spaghetti alla vongole 系我最喜欢的 pasta 之一, spaghetti 煮得 al dente, 好香 garlic 及 herbs 味; 蚬仔叫几鲜美, 但唔够嫩滑又有唔少沙, 可惜.
最后嚟一杯热咖啡, 好香, 够厚, 无涩味, 酸度低, 好喜欢
食物不错, 环境亦舒服好坐; 订台时觉得 waitress 有点寸, 但嚟到坐低食饭又觉得 waitress 几 nice 又 helpful, 服务又唔错.
连加一每人约 $120, 唔算平, 但印象不错, 不失为一个食 lunch 的好地方.
好开心的一个 "lunch getaway" 朋友 J, 下次试边间呀?
*更多资料: http://www.sagrantino.com.hk/lunch.htm
张贴
