德豐打冷粉麵餐廳

营业中

休息中

今日要去黃金商場買啲電腦用品，買完野之後見肚餓諗住係附近揾啲野食。深水埗係冇有好多有名嘅食肆。但最近實在食得太多較速食快餐⋯⋯想食D有番有少少鑊氣的菜色，但得自己一個。所以我都係決定去"一個人的浪漫" 我最愛的茶餐廳醫一醫肚。最後試左呢間茶記係因為佢的確離黃金好近，而且我見到門口個餐牌有《干炒牛河》。我就已經諗都冇諗就衝左入去，因為我真係突然好想食。其實我好耐之前都有黎食過佢既打冷，好正！不過個陣未裝修，分開兩邊舖，舊啲啲，麻甩啲～ 而家打裝修左，打通兩邊，感覺企理好多~~都係講番個干炒牛河先 XDD 預備上枱時，已經傳緊啲香味過黎。我自己好怕炒河通常會好油膩，但係又唔可以Dry到爆：P 而我覺得佢炒得剛剛好。😋河粉係粗河，口感度十分之夠。有啲茶記用幼河，始終唔係我心頭好～ （呢啲的確好主觀嘅）牛肉易咬味道好，份量夠～ 食完好滿足。Btw，有一樣minor野，呢到做到凍飲碎冰上，雖然看上去好少事，但我真係飲得出碎冰同唔碎冰的凍飲係有分別架><Overall 唔錯，下次有機會再試佢D打冷同以前D水準比有冇退步先！～😆👍🏻