影片
更多
2022-01-16
94 浏览
一家四口，阿爸想食打邊爐、阿妹想食燒肉，我想食壽司，最後集三人喜好，嚟到呢一間乜都有嘅餐廳，食返餐好嘅！🤍燒肉四款A5日本和牛：仙台和牛上脾、和牛背峰、和牛肩胛、和牛三角，職員介紹順着一個半圓去食，和牛背峰油脂最重，有微微入口即溶；和牛三角較爽嫩而牛肩胛則多汁軟嫩。🤍火鍋一次過可以揀兩款湯底：龍蝦番茄湯同埋壽喜燒，番茄湯鮮甜且帶龍蝦嘅蝦膏咸香，可以用嚟淥肉，壽喜燒湯頭偏甜，可以用來放蔬菜！火鍋肉款都有好多選擇：M9 +澳洲和牛肩胛油脂分布超級平均，油花超靚，牛味非常香濃；M8澳洲和牛外腿具有口感，但不失油脂感，M8澳洲和牛板腱相對油花冇咁多，食落較實。除咗肉類之外，亦都附上好多海鮮，高級丸類：頂級蝦滑、濃濃芝士球，又有海蝦、清酒醉蝦、廣島蠔、花甲王、扇貝。特別鍾情黃金粟米球，裏面有綿綿滑滑嘅粟米蓉，食落相當特別。🤍壽司壽司米飯都握得夠實，特別欣賞花之戀，外面係用三文魚腩包住，肥美十足。🤍自家串串燒雞軟骨串、雞中翼串、雞心串，款款吉好哂，好易燒，自己可以加啲玫瑰鹽或者黑椒，更加滋香。🤍油揚炸物、天婦羅種類超多，而且樣樣都熱辣辣上枱，特別點評脆炸南瓜條，外酥內軟，天婦羅外皮脆香唔多粉，杏鮑
🤍燒肉
四款A5日本和牛：仙台和牛上脾、和牛背峰、和牛肩胛、和牛三角，職員介紹順着一個半圓去食，和牛背峰油脂最重，有微微入口即溶；和牛三角較爽嫩而牛肩胛則多汁軟嫩。
🤍火鍋
一次過可以揀兩款湯底：龍蝦番茄湯同埋壽喜燒，番茄湯鮮甜且帶龍蝦嘅蝦膏咸香，可以用嚟淥肉，壽喜燒湯頭偏甜，可以用來放蔬菜！
火鍋肉款都有好多選擇：M9 +澳洲和牛肩胛油脂分布超級平均，油花超靚，牛味非常香濃；M8澳洲和牛外腿具有口感，但不失油脂感，M8澳洲和牛板腱相對油花冇咁多，食落較實。
除咗肉類之外，亦都附上好多海鮮，高級丸類：頂級蝦滑、濃濃芝士球，又有海蝦、清酒醉蝦、廣島蠔、花甲王、扇貝。特別鍾情黃金粟米球，裏面有綿綿滑滑嘅粟米蓉，食落相當特別。
🤍壽司
壽司米飯都握得夠實，特別欣賞花之戀，外面係用三文魚腩包住，肥美十足。
🤍自家串串燒
雞軟骨串、雞中翼串、雞心串，款款吉好哂，好易燒，自己可以加啲玫瑰鹽或者黑椒，更加滋香。
🤍油揚炸物、天婦羅
種類超多，而且樣樣都熱辣辣上枱，特別點評脆炸南瓜條，外酥內軟，天婦羅外皮脆香唔多粉，杏鮑菇炸到保持juicy 口感，粟米芯亦屬較為少見，爽口脆香！仲有酥炸墨魚咀炸得乾身不油膩，口感好酥，加上炸蒜粒一齊食，真係大快朵頤。
🤍一品料理
叫左清酒煮蜆、辣酒花螺、蟹子沙律，開頭以為細細兜，點知份量都好十足，辣酒花螺要考啲功夫去拆，不過都超級入味，如果辣度多少少就更正～
一個價錢就可以享用到燒肉、火鍋、壽司、炸物、一口料理、主食任食，仲要座位寬敞舒適，飯桌好夠大！小編超級推介多人嚟食，可以試多啲款！
张贴
