船渦

营业中

休息中

今晚同朋友庆祝生日，带佢去咗船涡度食一人一锅蒸海鲜。餐厅有活动竹帘分隔每个位置，如果多过一个人就可以拉开竹帘一齐坐，都几Flexible又有私人空间。我哋两个人都叫咗「九品芝麻官」（每人$258 ，另加一服务费）。沙律：蟹籽青瓜沙律，青瓜爽脆。章鱼烧：热辣辣上枱。外脆内软。白蚬，大蚬：两种蚬类加埋有成十几只，只只都好肥美多汁。贵妃蚌：肉厚，味道鲜甜。鲍鱼：本身呢个餐系得一只鲍鱼，但佢有个优惠加一蚊可以多一只，咁我哋梗系每人都加多一只啦。鲍鱼新鲜，肉质嫩滑，易咬开虾：虾味浓郁。肉质爽弹鲜鱼片：系龙趸片嚟。钟意鱼皮𠮶层胶质，好弹牙。三宝丸：有牛骨浓汁牛丸，姜汁皮蛋贡丸同招牌墨鱼丸各一粒。三款丸都唔错，当中最钟意招牌墨鱼丸，真系有墨鱼粒喺入边咖豚肉，美国肥牛：肉类各有两件。豚肉弹牙，鸡肉多汁厚肉蔬菜拼盘：款式丰富，有生菜，娃娃菜，冬菇，南瓜片，粟米，翠玉瓜同埋金菇。南瓜粥：蒸完晒啲海鲜之后，职员会帮我哋煲啲已经预备好嘅粥。味道真系好鲜甜。雪米糍：饭后有个甜品，就可以画上个完美嘅句号喇。