大家樂 (已結業)

放工黎打个边炉，细细锅一人一锅，拣左牛猪呢个餐，五十四蚊无餐饮，价钱都算合理啦，好似加七蚊有特饮一杯。自助酱料架，有辣椒粒，咸豉油，麻酱等。但当晚去到已比人攞清，而且无refill之感，攞左净低嘅少少辣椒同豉油。等左成半个钟先有得攞餐，卖相都几好，但盒猪肉同牛肉未解冻仲系冰住一旧，唯有食左蔬菜同乌冬先。汤底拣左蕃茄汤，几清甜。配菜有杂菇，生菜，蕃茄仔，粟米，乌冬等，啱哂打边炉。味道唔错，比较奇怪系个餐跟嘅系甜豉油，我觉得同打边炉唔夹。而且食完都未解到冻，最后成饼猪肉，牛肉摆落去个炉到煲熟佢。