不toast不快 (已結業)

葵广又多o野食又平，百去不厌。今次流连o系三楼，谂住食少少o野扫下街咁。呢间多士/三文治店，俾佢门口只香槟色玫瑰熊熊吸引住，跟住睇落佢d 多士都唔系话好贵，$30 几$40 都有，比起出面d burger 店，单包都$60 几，combo 埋随时过百，都可试下。新鲜制造，所以要等5-10 分钟，之后拎o左去新都会个草地度食。春回大地，o黎个小小一人o既野餐，沐浴于午后o既阳光，特别令人舒畅。西班牙黑牛配香草碎茄酱吐司($48) o既多士有一只手板咁大，里面亦好足料，感觉几抵食。块包最外层有搽o左蒜蓉烘过，渗出㶶㶶地o既蒜香。重点o既西班牙牛肉有两片，薄切圆碌碌，以黑椒调味，睇落有少少似熟成肉，但唔太sure~里面仲有成只炒蛋，跟住就系被热力谷到半溶o既芝士、椰菜丝，再淋上沙律酱同蕃茄酱，食完会很饱肚，让人很满足。加$16 就可配到价值$22 o既小食，而且件事好chill，佢d 小食d 名特登整到好搞笑，又「脆」味人生，又花生友，回应番佢像极了爱情o既slogan……试o左个三角关系，原来系三角型o既墨鱼饼，外面香脆，里面酿o左粒粒墨鱼，过口瘾简直一流。