影片
更多
2022-07-12
1954 浏览
#153foodie 系个被甜品耽误嘅铜锣湾foodie😩 本身一心一意谂住介绍 #铜锣湾美食 ，但系今次难得抢到位食 @thebutterflyroomhongkong 嘅下午茶，忍唔住写咗篇食评，同大家分享吓🙌🏻❗内文附book枱攻略❗（唔系每个月1号朝早9点钟抢位咁简单🤪）»»————- ☟☟ ————-««[ 餐 厅 环 境 🍴 ]The Butterfly Room 嘅楼底好高，加上每轮只得约10枱客，所以唔好会嘈，环境十分舒适🥰 而且所有座位都系大大张梳化位，坐得好舒服嘅👍🏻不过窗口位就冇乜特别，因为窗外就系地面嘅停车场🅿️ 其实个景麻麻地🙈 如果有得拣，可能拣返餐厅里面嘅卡位仲好添😆»»————- ☟☟ ————-««[ 餐 厅 服 务 🧑🏻🍳 ]呢度嘅服务都系要赞嘅！侍应好有礼貌，态度好好，客人坐低嘅时候亦会帮手推櫈，不愧系接受过五星级酒店嘅 training 呢✨而因为每轮嘅客人比较少，所以在场嘅侍应都会好细心留意客人嘅需要🥰 例如系啲茶未饮完，已经会主动过嚟帮你斟茶、加水，贴心度系100分💯如果要喺鸡蛋里挑骨头嘅话，153就觉得有啲侍应讲嘢比较生硬💭 佢哋讲 m
❗内文附book枱攻略❗（唔系每个月1号朝早9点钟抢位咁简单🤪）
»»————- ☟☟ ————-««
[ 餐 厅 环 境 🍴 ]
The Butterfly Room 嘅楼底好高，加上每轮只得约10枱客，所以唔好会嘈，环境十分舒适🥰 而且所有座位都系大大张梳化位，坐得好舒服嘅👍🏻
不过窗口位就冇乜特别，因为窗外就系地面嘅停车场🅿️ 其实个景麻麻地🙈 如果有得拣，可能拣返餐厅里面嘅卡位仲好添😆
»»————- ☟☟ ————-««
[ 餐 厅 服 务 🧑🏻🍳 ]
呢度嘅服务都系要赞嘅！侍应好有礼貌，态度好好，客人坐低嘅时候亦会帮手推櫈，不愧系接受过五星级酒店嘅 training 呢✨
而因为每轮嘅客人比较少，所以在场嘅侍应都会好细心留意客人嘅需要🥰 例如系啲茶未饮完，已经会主动过嚟帮你斟茶、加水，贴心度系100分💯
如果要喺鸡蛋里挑骨头嘅话，153就觉得有啲侍应讲嘢比较生硬💭 佢哋讲 menu 或者解释食物𠮶阵，语气、语速等都有啲背书 feel 😂 虽然对用餐体验影响唔大，但系听住人将 menu 背出嚟嘅感觉怪怪地🧐
»»————- ☟☟ ————-««
[ 1 5 3 食 后 感 😋 ]
有别于一般酒店下午茶，呢度嘅 afternoon tea 系以 five-course 形式送上。侍应会分开五次，将唔同嘅食品送到埋枱💁🏻♀️
1️⃣ 传统手指三文治 | Traditional finger sandwiches
打响头炮嘅系4款三文治，每款唔同颜色同味道，净系卖相都觉得好特别🥰
Traditional finger sandwiches
38 浏览
0 赞好
0 留言
以味道由淡至浓嚟讲，呢款应该系最淡👀 整三文治嘅面包唔会干身，馅料充足🙌🏻 但因为用咗冻虾，略嫌虾肉有少许嚡口🙊
🍣 青瓜三文鱼三文治
三文鱼嘅油脂味香浓，配以清甜嘅青瓜，平衡返三文鱼嘅腻，食物配搭做得好有心思💕 面头有少许三文鱼籽，鲜甜好味！
🥚黑松露碎蛋三文治
本身碎蛋沙律馅唔会差得去边😂 加咗黑松露就更香，面头仲有一片新鲜黑松露，感觉成件三文治 升级咗✨
🦀牛油果蟹肉三文治
最后呢款有惊喜！蟹肉份量好足，铺面嘅柑橘类水果🍊 带出清新嘅味道，153 最钟意呢款👍🏻
💭 其实餐厅冇食物 menu, 侍应介绍食物𠮶阵，都系用英文讲啲名出嚟，所以 153 其实唔完全肯定食物嘅名，只系凭记忆同味道形容返佢哋🙇🏻♀️
»»————- ☟☟ ————-««
2️⃣ 芝士蕃茄浓汤 | Tomato Bisque
第二道菜，系细细杯嘅芝士蕃茄浓汤🥫 汤嘅表面加咗用 parmesan cheese 打成嘅泡沬，下面先系个汤本身🥣 呢碗迷你汤好香浓，酸酸甜甜几开胃！
芝士蕃茄浓汤
28 浏览
0 赞好
0 留言
3️⃣ Tableside-served pastries & scones
完成咸点之后，侍应会送上甜品架同埋两件 scones（原味、提子松饼各一件）🥳
甜品架总共有4款甜品，全部系冇得 refill 嘅, 但食唔晒可以打包拎走🥡 松饼可以无限 refill, 但就冇得拎走喇～
Tableside-served pastries & scones
29 浏览
1 赞好
0 留言
Tableside-served pastries & scones
49 浏览
0 赞好
0 留言
甜品架上面嘅甜品，味道最 fresh 嘅应该系呢款蜜桃蛋糕🍑 几欣赏佢嘅曲奇饼底，我哋将甜品架留到最后先食，饼底依然香脆🍪
🍓士多啤梨挞
值得一赞嘅系，挞底唔系用现成嘅，应该系自己整👍🏻 不过攞耐咗就出事喇😩 挞底腍咗少少，唔够松脆☹️
🍵抹茶红豆泡芙
泡芺里面有红豆蓉，可能摆得太耐，令个泡芙皮腍咗😢 呢个大细嘅泡芺嚟讲，cream 嘅份量都算多，有少少漏🙈
🍫黑森林车厘子蛋糕
摆面嘅车厘子用冧酒浸过，酒精味好浓烈😵 蛋糕体都有微微酒味，朱古力力冇想像中咁甜～
🥧 Classic scones
松饼送上嚟嘅时候系微暖，口感 keep 到有少少湿润，整体嚟讲算唔错～
松饼佐酱有 clotted cream、士多啤梨酱🍓同埋 橙皮酱🍊食得出呢度嘅 clotted cream 比其他餐厅嘅更加 light, 唔会好漏👍🏻
士多啤梨酱就普普通通，偏甜同埋冇乜果肉，同超市买到嘅味道相差唔远😂 橙皮酱就比较特别，里面真系有橙皮碎 (所以会苦苦地)，但系整体食落几清新✨
»»————- ☟☟ ————-««
4️⃣ 酥皮点心手推车 | Pastry trolley
第三道菜食到一半左右，侍应就会将 pastry trolley 推埋嚟，问你想食咩🤤 Trolley 上面嘅甜品全部都系任添嘅，所以我哋每样拣咗一款试先，如果好食再 encore😆
Pastry trolley
1067 浏览
0 赞好
0 留言
Pastry trolley
39 浏览
0 赞好
0 留言
The Butterfly Room 招牌拿破仑超好食❗酥皮香脆，夹住香滑嘅云呢拿 cream, 表面仲有薄薄一层焦糖浆，焦香嘅味好正👍🏻 试晒所有食物之后，153 唯一 refill 嘅甜品就系佢🤣
🐚 开心果贝壳蛋糕 (madeleine)
见到佢嘅第一反应系：好大件😂 不过两个人 share 嚟食都可以。开心果味唔算好出，蛋糕本身亦唔算好甜，主要系表面嘅白朱古力带出甜味🍫
🧀柚子芝士蛋糕
口感介乎纽约芝士蛋糕（厚重扎实）同日本轻芝士蛋糕（较轻）中间👅 柚子味几清新，饼底几特别，除咗柚子味之外，153 好似仲食到啲阿华田味🤔
因为订座𠮶阵，备注留底咗系庆祝生日🎂 所以侍应将蜡烛插咗喺芝士蛋糕上面，仲有生日牌添✨
⚡闪电泡芙 (éclair)
相比起其他甜品，呢两件闪电泡芙就冇乜记忆点🤥 唔系唔好食，不过就普普通通～
🤍白朱古力片 (white chocolate brittle)
如果你唔钟意食太甜，呢个可以skip😂 因为成片白朱古力咁食，真系会比较甜🙈 宁愿留返啲 quota 食其他嘢～
🫐 杂莓奶冻 (panna cotta)
几欣赏佢哋嘅奶冻，整得唔系好甜🙌🏻 因为成个下午茶不断食甜品，呢个减甜嘅奶冻，嚟得正适合☘️
🌰榛子朱古力
呢粒朱古力系好食嘅！包住榛子嘅应该系牛奶朱古力，里面嘅榛子好香～ 不过呢款甜品应该唔系自己整，因为 153 喺其他地方，食过同一款嘅味道🤪
»»————- ☟☟ ————-««
5️⃣ 甜品手推车 | Confectionery trolley
最后嘅 confectionery trolley, 食物都系无限任添嘅～ 不过呢架车上面嘅甜品，应该系呢餐嘅 boss 嚟☠️全部都系劲饱肚嘅食物💩
Confectionery trolley
46 浏览
0 赞好
0 留言
Confectionery trolley
563 浏览
0 赞好
0 留言
呢款系 Rosewood 新出嘅蛋糕，由顶至底分别系芋头忌廉、蛋糕同芋泥，层次几丰富🌈 食完之后经过饼店，见到呢嚿细细件嘅蛋糕，卖 $88 一件㗎🙈
🍰 柠檬磅蛋糕
味道几清新，唔会太甜，但系干身咗少少😶 同埋都几大片，细食嘅话可以唔试～
🫐蓝莓忌廉蛋糕
呢件蛋糕绝对系全场嘅终极 boss❗虽然忌廉算整得几 light, 但系蛋糕体偏大，同埋忌廉都好多😧 食完之后，饱肚感直线上升🔺味道方面普普通通，可以唔食👌🏻
🍋 柠檬马卡龙
可能系想平衡返其他甜品嘅腻，呢度都几多柠檬味嘅食物👀 柠檬马卡龙不过不失啦～
»»————- ☟☟ ————-««
最后不得不提嘅，系 The Butterfly Room 嘅茶🍵
🌹 The Butterfly Room Blend
试咗佢哋嘅 house blend🫖以绿茶做基底，带淡淡嘅玫瑰香，配下午茶嘅甜品解腻一流👍🏻
🍫 Choco Mint Truffle
另外拣咗 Choco Mint Truffle 呢款茶，出面好少见，但应该系用咗名牌 TWG 嘅茶叶🙌🏻 以红茶做底，饮落有云呢拿、朱古力、薄荷香🍃
呢款茶相比起 house blend 会浓啲啲，不过有薄荷味中和返，唔错值得一试💕
»»————- ☟☟ ————-««
[ 1 5 3 食 后 感 💬 ]
以五星级酒店下午茶嚟讲，整体食物同服务都算唔错😉 因为全场只系容纳到大概10枱客，楼面服侍好周到，唔使叫都会主动过嚟添水、会帮客人影相等等📸
不过食物未去到话好艳绝嘅地步，而且用餐时间只得2个钟😥 虽然唔会食唔切，但系有种心理压力，同埋冇得坐耐啲倾计🤧 与其话系 afternoon tea, 不如话系甜品放题😂
同埋佢哋价格调整真系几夸张，几个月前仲系 $798 / 2 p.p., 而家已经要 $998 / 2 p.p., 加埋一要成 $1,100 两个人😥
未食过嘅话可以一试，但除非有其他特色甜品，否则应该唔会再返嚟食🙈
»»————- ☟☟ ————-««
[ 1 5 3 订 枱 攻 略 🎯 ]
The Butterfly Room 每个月嘅1号嘅 9:00am，会开放未来两个月嘅日子订座🗓️ 好多人都话抢唔到位，甚至 book 咗半年，都未试到呢度嘅下午茶🤯
如果你都想试 The Butterfly Room 但抢唔到位，可以试吓用 153 嘅方法 👉🏻我系5月份某日嘅凌晨，得闲上佢哋嘅网站，睇吓6月有冇空位，咁啱就见到6月25号（星期六）12:00pm 有空位，即刻就 book 到😂
估计应该系因为有人 cancel booking, 所以先会比我 book 到😝 但如果你得闲嘅日子比较弹性，可以试吓运气，睇吓试唔试到呢间人气 afternoon tea 啦～
»»————- ☟☟ ————-««
The Butterfly Room (尖沙咀)
🍴 餐厅地址：
尖沙咀梳士巴利道18号香港瑰丽酒店2楼
🔍 同区搜寻：
#153foodie尖沙咀
😋 同类搜寻：
#153foodie下午茶
#153foodie甜品
张贴
