巴黎小館

营业中

休息中

今日特登拣咗喺大馆中环度食lunch，平时行过可能都会喺附近嘅酒吧饮嘢，但食嘢真系第一次。见到佢嘅lunch set都算唔错同埋几吸引，所以特登入咗去试。只需要$148，就会有头盘、主菜同埋一杯嘢饮，呢个价钱来讲，喺中环都算差不多，当然你都可以加钱配酒或者其他特别嘅嘢饮！可能我今日食饭时间算叫早，入到去都唔算太多人，佢亦有室内同室外嘅位置，因为天气开始转凉所以我选择坐入边！ 已就快圣诞佢哋都有唔同嘅圣诞装饰喺餐厅入边。餐厅嘅空间算宽躺，座位与座位之间都有一定嘅距离，啲座位都坐得算舒服😌首先头盘你可以选择汤或者沙律，而今次我选择左佢哋嘅忌廉芹菜头汤配香脆包粒，味道都唔会好咸，而且有淡淡的芹菜味，我个人觉得唔错！配合一啲香脆包粒，成个汤变得更加香🤩而今次我选择左佢哋蜜汁烤三文鱼（+$40)，个鱼皮烤得好香脆，肉质都好柔嫩，三文鱼配左啲杂菜同埋薯蓉，份量啱啱好👌总括来讲，服务员的态度都好好，而环境都好幽静、舒服，适合一班朋友或者情侣过嚟享用佢哋嘅午餐或者晚餐，又或者一班同事放工过嚟饮嘢！