龍門冰室 (已結業)

一个人去食饭，都唔可以食得求其，虽然附近都有好多餐厅，不过就最尾拣咗龙门冰室，装修又几靓㗎！餐牌上面嘅选择都几多，价钱合理，同大型连锁店其实相差无几，而且比较多个性化选择。炸酱猪颈肉米线（五香肉丁）+红豆冰 $30+$6猪颈肉d颜色都几新鲜，爽口又弹牙。加埋五香肉丁特别惹味，小小辣，仲有炸酱又甜又辣。最估佢唔到就系包埋西兰花同埋沙律菜，非常丰富！米线亦都比预期中更加弹牙，而且不会过分烟韧，口感刚好。一个人食已经够晒饱，加＄6又有埋红豆冰，个样好似好立克实际上其实系奶味，里面啲红豆就比较硬身有口感，至少味道不会太甜，好适合我。呢个价钱而且有呢个食物质素， 顺带一提就系哩度既服务质素同效率都好高，点餐后好快就可以上菜，而且服务员都好nices， 下一次将会再度来光顾。