一風堂 (德福廣場) (已結業)

上次去食一风堂同几个人一齐食，所以储咗几个印花可以换三十蚊现金券，所以今日一个人就走去食。星期六晏昼都几多人，但一风堂啲位都几有弹性，所以我一个人食就好快有位。自己食就唔系叫咗好多嘢，就系一个辣味味噌拉面少辣普通面。块叉烧好肥好香，但个汤稍为淡咗啲。面质就淋咗啲。之后唔够饱，就加多咗个普通面。相比之下加面嘅面质就弹牙啲。如果一个人食，又想坐得舒服啲嘅，一风堂系唔错嘅选择。