龍蝦大王火焰醉鵝火鍋 (已結業)

好钟意打边炉，最钟意食牛肉，今次呢个打边炉套餐，有龙虾及六至八款海鲜，加埋一每个人三百几元左右，星期一至四平啲、分时段收费。就算你有几大食，一个套餐正常人一定食唔晒，如果真系好大食的话，有不停追加其他火锅配料，一定可以捧住个肚走。先来两个前菜，麻辣木耳及粉皮，都系辣不过好醒胃。汤底有四款，我食过二款，第一个火焰烧鹅，放少少酒用火烧在烧鹅上，食完烧鹅再加上汤，呢个汤底加＄20每位，我觉得冇咩特别；另一个芫荽皮蛋，相当不俗。龙虾每位半只，另加其他海鲜，去过几次海鲜有: 蚝、蚬、龙趸片、虾、鲍鱼、扇贝等等。打边炉一定要有牛肉、部位是牛脊颈，好有牛味👍。推介新鲜制的鱼皮和响铃，系真系新鲜制，食落去全部脆囗，跟住再嚟两款栗子及黑松露芝士饺子、鱼滑、虾滑、冬菇酿鱼滑、鬼马油炸鬼。未清枱面食物已经饱，仲有一篮蔬菜，已经食唔落，去咁多次我都未试过追加食物。 饮品任饮，可以试下芒果可乐沙冰、饭后甜品有雪糕、雪糕不是一杯杯是一球球的，香港制造，有益力多、芝麻、芒果及豆腐味，记住留肚食，好正。😬$300几元价钱打边炉有海鲜、有靓牛肉、食物新鲜好味、二个字"好抵食"。