深仔記茶餐廳

营业中

休息中

今日点了个煲仔饭+煲仔菜，先讲呢个煲仔饭饭底系湿既，完全没有饭焦，可能我本人见识少未食过冇饭焦嘅煲仔饭啦，另外再讲个煲仔菜杂菜粉丝煲，我个煲仔饭已经食咗一大半，都仲未嚟，跟手就问啲姐姐，但班姐姐太过繁忙，忙着围埋吹水，叫左一阵先有人应，谢谢回应我即到，但都等左大概7-8分钟，可能都系我本人见识少，原来整一个煲仔饭系会快过整一个什菜粉丝煲，粉丝煲到咗后，发觉呢个粉丝煲真系世界级，百鸟归巢咁嘅款，再三强调本人真系见识少，第一次食到有蕃茄嘅粉丝煲，再加红黄青椒，真系好有特色！如果大家唔系太肚饿，太想食饭嘅话，都可以入嚟见识一下！真心唔想有其他人中伏！