CoCo Espresso (已搬遷) 新店位置

介绍下一间公司附近嘅黄店饭堂，留意返唔系每间分店都有lunch menu，例如‪相隔几条街嘅苏杭街分店‬就无提供(不过果间嘅装修讲究好多)。虽然而家无船搭，信德分店少左好多人，但由于食物同饮品即叫即制，有次等左接近半个钟先上菜，但真系好有水准，值得等待！.Linguine with King Prawns and Vine Tomatoes:大虾有四五只，爽口弹牙无雪味， 扁意粉够烟韧，好挂汁，酱汁偏杰身，好浓南瓜同番茄味，呢碟份量颇多，女仔未比食得哂。Roasted Spring Chicken with Frittata:烧春鸡嘅肉质都几嫩滑，可惜块皮有少少淋，个烧汁甜甜地几match。Frittata即系意式烘蛋，平时嘅材料多数有菠菜，呢度就用左薯仔同芝士，呢个组合无可能唔好食。Flat White/ Cappuccino:跟餐配茶或Flat White，其他款式要加钱。佢地嘅咖啡应该出名到唔驶介绍，我同朋友对咖啡无咩研究，只能讲佢地嘅出品啱我地口味，一致认为奶味香醇，而且饮完口腔唔会只充斥苦涩味。