金田家 (已結業)

一再Encore嘅拉面店，地点够就脚而且水准一直Keep到！ 今次同朋友一齐去，可以试多两款小食，发现除左拉面小食味道都唔错。鸡白汤豚骨拉面，连葱都走埋望落确系有D斋，其实汤底好鲜味，而且我好钟意呢个汤唔会过咸同油，加上今次叉烧肥瘦适中，食完唔会有好滞嘅感觉。黑豚拉面好适合食肉兽，大大片豚肉围住碗面。汤底明显比较浓，豚肉偏瘦食落好甘香，口感亦唔会干柴。溏心蛋好靓！流心程度刚刚好，而且够入味，个人觉得食拉面一定要跟只溏心蛋！再点左两份小食：男爵薯饼外面炸得香脆，牛肉薯饼稍为偏甜；我更钟意紫薯栗子口味，紫薯绵密又香甜。两大块食完都几饱！平时黎都会食饺子，内馅味道清爽但未算突出，我爱饺子个皮，薄身但唔会一夹就散，食落好烟韧。好耐冇饮过波子气水，重拾下童年嘅味道。香港地咁多拉面店，好少会Encore，我谂金田家真系几岩我口味。