影片
更多
2025-01-02
2600 浏览
见咁多人讲到逸东轩几抵几正，又米芝连又乜又七，一于订枱嚟试试。睇餐牌啲价钱又唔算贵，大部分都系$50蚊左右，对比其他酒店中菜部郁吓都成嚿水一碟，算好平的了。价钱可以，但好老实，呢个世界真系冇死错人，食完就知点解佢可以平过人。首先服务方面，啲伙记系冇人哋咁attentive，想点菜揾唔到人，想斟茶十次有八次都系自己郁手，想收碟都要将啲污糟碟移出枱边先有人见到。见佢都唔系唔够伙记，人手足够，但都只可以提供到稻香酒楼嘅服务级数，咁我不如返稻香算。食物方面，讲几样有代表性就知个大概。我哋叫咗个叉烧，茶市例牌都收300蚊，乖乖不得了。啲人赞到呢度啲叉烧天上有地下无，但食落又唔觉有几巴闭，啲人明显吹大咗。我食过一档烧腊档嘅叉烧，百零蚊一斤，多过佢又好食过佢，性价比完胜。鲍鱼和牛稣，$88一件，两个人一人一件就已经接近两嚿水，非常𢲡脷，不过完全唔值。话有和牛但完全食唔出，唔好话和牛，连普通牛肉都唔觉有。得面头只鲍鱼仔先声夺人，但其实而家鲍鱼平咗好多，唔系咩咁矜贵。食过另一间嘅和牛稣，人哋啲牛味浓郁到成口都系，而且好似都冇佢咁贵。千层糕，$48。而家好多酒楼唔再整，唔知咩原因，有人话多功夫，我又唔觉系
睇餐牌啲价钱又唔算贵，大部分都系$50蚊左右，对比其他酒店中菜部郁吓都成嚿水一碟，算好平的了。
价钱可以，但好老实，呢个世界真系冇死错人，食完就知点解佢可以平过人。
首先服务方面，啲伙记系冇人哋咁attentive，想点菜揾唔到人，想斟茶十次有八次都系自己郁手，想收碟都要将啲污糟碟移出枱边先有人见到。见佢都唔系唔够伙记，人手足够，但都只可以提供到稻香酒楼嘅服务级数，咁我不如返稻香算。
食物方面，讲几样有代表性就知个大概。
我哋叫咗个叉烧，茶市例牌都收300蚊，乖乖不得了。啲人赞到呢度啲叉烧天上有地下无，但食落又唔觉有几巴闭，啲人明显吹大咗。我食过一档烧腊档嘅叉烧，百零蚊一斤，多过佢又好食过佢，性价比完胜。
鲍鱼和牛稣，$88一件，两个人一人一件就已经接近两嚿水，非常𢲡脷，不过完全唔值。话有和牛但完全食唔出，唔好话和牛，连普通牛肉都唔觉有。得面头只鲍鱼仔先声夺人，但其实而家鲍鱼平咗好多，唔系咩咁矜贵。食过另一间嘅和牛稣，人哋啲牛味浓郁到成口都系，而且好似都冇佢咁贵。
千层糕，$48。而家好多酒楼唔再整，唔知咩原因，有人话多功夫，我又唔觉系。有人话唔健康，更加唔似系。总之就好少见，整得好食就再难多几倍。见呢度有，即刻叫笼嚟试吓佢。结论：啲蛋黄唔够咸香，啲蛋白淋糍糍唔够质感，连椰香都冇。成件事得个样，唔咸唔甜唔香，唔明佢个米芝连点嚟，可能虾鬼佬唔识食。
其他嘢都系普普通通，两个人唔食得太多，4笼点心两个甜品加埋碟叉烧，折实埋单齐头800，但我觉得最多值600。食得唔满意相都费事post，反正都系𠮶啲。
张贴