芽莊越式料理

营业中

休息中

今日做独行侠，见秋意渐浓，去左东涌outlet shopping, 睇吓有无笋野。 行到攰走左入「芽庄」食个下午茶餐 ，好贵呀😱$110 ，个set 有春卷，生牛肉河及越南咖啡。牛肉只得三片，有牛肉味，都算系牛既好味位置，不过三块就太少。春卷够热，亦无翻炸，生菜撕开后都足够包著三条春卷进食。 咖啡一般，唔够香浓。用左较正宗做 越南菜/泰菜既黄色及绿色辣椒 同泰国芽菜，系肥嘟嘟，短身的，较脆口，见到有认真做，不过汤底⋯偏咸，无乜味。在街食都预左食唔到真正用牛骨熬既汤底，熬一煲越式牛骨汤系好花时间，功夫。整体来说，一分钱 一分货啰，羊毛出在羊身上，好似切半粒青柠咁，其实无必要半粒，太多了。