同聚

营业中

休息中

见到上水有一间小店新开，连红纸都未除，好奇心驱使之下，睇一睇佢嘅餐牌，发觉价钱合理，就决定入去光顾一吓🤩虽然系新开，但已经见到全场爆满，而且个个都开怀畅饮，气氛非常热闹，而我咁啱揸咗车，所以就唔饮酒喇🤣餐牌有唔同嘅菜式，当中海鲜竟然系定价而唔系时价，有点小意外！去茶餐厅梗系要饮下特饮啦！呢个杂果宾治香甜且有鲜果，非常解渴。而朋友选择咗王老吉，坊间并唔多茶餐厅有呢个选择😁茄子炆䲝鱼～呢个菜式喺餐牌第一次见亦都系第一次品尝，软糯嘅茄子加埋外皮香脆嘅䲝鱼原来可以咁夹～海鲜杂菜煲～呢个煲样样菜都有啲，而且有海鲜嘅鲜味，当中大虾完全可以博取我嘅欢心，非常弹牙而且大只🫶🏻姜葱生蚝煲～蚝非常大粒，炸浆唔会过厚，味道惹味！而辅料都绝对应记一功！京葱爆牛肉～牛肉份量非常多，而且十分入味，食得出既镬气！师傅一定系高手！由于白饭跟餐，所以免费。另外，特饮跟餐都会比较优惠，所以呢一餐真系绝对唔贵，而且非常丰富😊