御八築地 (已結業)

呢间嘢呀妈一直都想去食，刚刚就去试下呢间嘢等呀妈开心下。当时六点正，我到先，攞定位，点知间嘢无冧住开冷气准备客人嚟食晚饭，间嘢细都唔系只开一陪冷气下话，好焗！好彩自备风扇，自己伙计话焗先去开！个人评论：间嘢细！位又窄！变成环境好嘈喧巴闭！成日听到隔离条友不断讲粗口当自己语言！个人认为啲嘢食非常一般唔系特别好食，叫咗牛油带子，睇张相个卖相好靓，点知又干又鞋又无带子味，拉圾！跟住条火龙虾一样，食完条脷重鞋，都唔知咩嘢食嚟嘅！跟住叫其他嘢都系一般，唔值咁嘅价钱！只可以觉得海胆寿司ok！唔通为咗海胆寿司再嚟咩，唔会啰！埋单380，我比四百，我冧住佢比番一张廿蚊纸我，点知找来一蚊两蚊，冧住我唔会要咁，我就要哂佢比你睇！呢头钱啱啱收咗，客人都未离开个位，就即刻收嘢，差啲就整到我！又搅到我妈要等佢收埋嘢先可以起身离开，真过份！出面啲人开始排队，唔明点解有咁多人帮衬，我亦唔想知！我净系知无下次！真正食嘢嘅人都会同我一样！我而加条脷重鞋紧，你地不妨睇体验下！