羲和雅苑

营业中

休息中

提早庆祝母亲节，同妈咪黎咗依间评价非常高嘅羲和雅苑，试一下宫廷菜。餐厅装潢高雅，有古风嘅味道，配上维港海景，令人赏心悦目。黎到依度一定要食驰名烤鸭(半只，$328)，配一个八宝盒。师傅会系客人面前即切烤鸭。第一碟系烤鸭皮，就咁点蓝莓酱。第二碟系鸭胸肉，点芥末酱就更佳。最后一碟就系片皮鸭，有中式同西式食法自由配搭，传统得黎又创新。椒麻澳洲牛肋条($488)，系整整一条骨嘅牛肋条，肉质软熟，肉味浓，脂肪少。旁边嘅茶壶装住浓浓嘅牛肉汁，淋少少上去更加带出牛肉嘅鲜味。矶煮鲍鱼($88/只)，用秘制嘅方法黎烹调，鲜味中又有少少酒味，非常爽滑，有口感。桂花蜜山药($48)，第一次食，本来好抗拒中药依啲食材，但意外之中嘅好味，甜甜地，又非常爽口，冇想像中啲苦味。担担面($88)，配上黄豆、肉碎等等嘅配料。辣味非常够，好有北京地道小食嘅味道。