茶湯會 (環球大廈)

营业中

休息中

约咗朋友系中环画廊扮下文青，去之前决定揾啲野食落下肚先，发现附近有间茶汤会，未试过嘅我地决定一齐去睇下有咩拣。呢间比其他茶汤会分店好似大啲，又有得坐都几舒服，后尾先发现原来系旗舰店。-燕麦观音拿铁+珍珠 $34佢地新推出咗燕麦饮品系列，平时一向好钟意饮茶嘅朋友拣咗呢款试，仲额外加咗珍珠，我都偷饮咗几啖。估唔到观音味道好突出，朋友拣咗少甜，甜度岩岩好。燕麦比想像中大粒，都几饱肚。不过我地都觉得可以唔使再额外加配料，珍珠有啲唔夹。-新鲜水果茶 $32水果茶以往我都饮过另一间好出名嘅台式饮品店，茶汤会呢款感觉无咁甜，建议大家都可以再叫少甜，因为水果甜度本身都好够。水果配料都几丰富，每啖都饮到百香果粒。-吞拿鱼沙律吐司 $31本身以为吐司好似飞碟咁细细块唔会好饱，但入面好足料，两个分都差啲食唔晒。吐司除咗有吞拿鱼沙律，仲有煎蛋，咸咸地几开胃。